رد اعضاء اسرة الصحوة علي احلال اسرتهم

انهاردة يا شباب واحنا فى الكلية اتفاجئنا كلنا ان فى خبر اتعلق فى الكلية بيقول

" بناء على تعليمات ا.د عبد المحسن جودة وكيل الكلية لشئون التعليم
والطلاب وبناء على تعليمات ا.د عبد العزيز على حسن رائد أسرة الصحوة تقرر
حل أسرة ( الصحوة ) وتجميد أنشطتها ومنعها من مزاولة أي نشاط بالكلية "

احنا اول ما شوفنا الخبر اتفاجئنا طبعا وقولنا يعنى ايه المكتوب ده ؟ ؟
يعنى ايه يتم حل الاسرة بدون اى اسباب كده ؟ ؟ ازاى الاسرة تتحل من غير ما
نتيجة التحقيق تظهر ؟ ؟
- يعنى ايه اكبر اسرة فى الكلية واكبر اسرة صاحبة انشطة وتواجد وانتشار وسط الكلية يتم منعها من مزاولة النشاط ؟

والمفاجأة الاكبر الاكبر ان احنا لقينا زمايلنا بيكلمونا بيقولولنا فى خبر
نزل على الموقع الرسمى للكلية بيقولو انه تم حل اسرة الصحوة ؟ ؟ ؟

احنا قولنا ياااه للدرجة دى ؟ ؟ يعنى الاسرة تتحل ويتعلق ورق فى كل حتة فى
الكلية بالكلام ده وطلاب الاتحاد المحترم ماشيين معاهم نسخه من الورق
ومبسوطين بيها اوى ويعلقو الورقة دى على باب مقر الاتحاد ؟ . وكمان ينزل
خبر على الموقع الرسمى للكلية ؟ ؟ للدرجة اسرة شباب الصحوة عاملة مشاكل
ومجنناهم للدرجة دى ؟ ؟

المهم احنا كلمنا المسئول عن الشئون القانونية قالنا ان نتيجة التحقيق لسة مظهرتش

وبعد كده كلمنا مدير الرعايا قالنا القرار ده جه من عند دكتور عبدالمحسن
جودة وكيل الكلية وكان لازم يتم الاعلان عنه وانا مليش دخل فيه ! !

المهم بعدها طلعنا لدكتور عبدالمحسن جودة وهو رفض يقابلنا والسكرتير بتاعه قالنا الى عاوزين تقولهوله اكتبوه فى ورقة ! ! !

المهم بعد كده كتبنا تظلم عن ان الى بيحصل فى الكلية ده غير قانونى وده تشهير بالأسرة وبدون اى اسباب ! ! !

المهم العميد مكنش موجود فى الوقت ده وبعد ساعة كده طلعناله تانى قابلنا
الوكيل والعميد مع بعض . ولما كلمناهم قولنالهم على اى اساس يتم اتخاذ قرار
زى ده ويتعلق فى الكلية كمان وعلى موقع الكلية ؟ ؟

ورد الوكيل كان مفاجأة بكل المقاييس وكان كالتالى :

" مين الى قال انه تم حل الاسرة ؟ الكلام ده مش صحيح ولو كان الخبر نزل
على الموقع واتعلق فى الكلية بالشكل ده يبقى ده قرار خطأ والى كتبة كتبة
خطأ طبعا انا لازم اتاكد منه لأن انا وافقت على التالى :

مجرد
تجميد نشاط الاسرة مؤقتاااااااااااا لحين الانتهاء من نتيجة التحقيق . وانه
هيتأكد ان الكلام موجود بالصيغة دى على الموقع والكلية وهيتم اتخاذ
الاجراءات اللازمة "

- يعنى من الاخر الكلام الى اتعلق فى الكلية
والى تم اعلانة على الموقع ده خطأ وكلام مش مظبوط ومكتب وكيل الكلية
قدامكو تقدرو تسئلوه عن كل الى حصل واحنا مش هنتنازل عن الى حصل ده لأنه
يعتبر تشويية سمعة الاسرة وهينزل خبر تكذيب القرار ده فى الكلية وعلى
الموقع كمان بأذن الله .

فى وسط التهريج الى حصل انهاردة ده ومحاولة تشوييه سمعة اسرة شباب الصحوة اكبر اسرة فى تاريخ كلية تجارة جامعة المنصورة .

يــبــقـــى ايـــه الــســبــب ؟ ومــيــن الــمــســؤل ؟ ومين ليه مصلحة انه يعمل كده ؟

- وحسبى الله ونعم الوكيل فى كل ظالم . واحنا معانا الحق وربنا هينصرنا بأذن الله .