هام جدا :.. للااسرة الصحوة والاتحاد جامع .... منقول عن محمد ايمن امين العلاقات العامة با اسرة الشباب الاحرار

منقول عن الطالب محمد امين .. امين العلاقات العامة في اسرة الشباب الاحرار

الاتحاد بتاريخ 21/2/2012
بسم الله ||
كلامى لكل واحد حابب يعرف حقايق كاملة .. لكل واحد عنده استعداد يقرأ للاخر ويفهم ويسأل .. نبدأ نتكلم بدون تجريح لان مش طبيعتنا المزايده على حد >>
- شباب الصحوة من الاسر المحترمه فى الكلية .. اللى قدمت مجهود كبير فى بداية تواجدهم .. مش فى مجال ان احكى مواقف فردية ولا دة وقتها ولا مكانها لكن ..
|| التحقيق مع صحوة - دكتور عطوة - دكتور عبدالمحسن - المنح ||
دى المحاور اللى هاتكلم فيها معاكمـ
السؤال الاول >>
لية صحوة اعلنت انها محولة للتحقيق رغم ان الموضوع من الاسبوع اللى فات ؟!!
الكل كان اتكلم عن النتيجة وانها الاسبوع دة بما فيهم احنا .. ولما حاولنا ناكد الميعاد من العميد قال انها الاسبوع الجاى .. نزلنا بوست بسيط جدا عبارة عن تصريح بـ اسم العميد .. وكانت الردود طبيعيه فيها غضب .. وبعد شوية لقيت حد بيكلمنى بص على بيدج صحوة
ادخل بيدج صحوة الاقيهم بيقولوا ادارة الكلية والاتحاد بيضحكوا على الطلبة .. كأن الاتحاد دة بيصحح الورق او بيرفع النسب او هو اللى بيحط النتيجة على النت .. مش عارف دة جهل بالادوار ولا رمى تهم على الاتحاد .. وان كان الاتنين فاتعالوا نجاوب على السؤال بكل وضوح
امبارح منتدى تجارة وورلد فى قسم الاسر الطلابية اعلن ان صحوة متهمه بالتربح .. خبر متداول ومعروف لـ اى حد عاوز يعرفة .. واحنا هنا عارفينه ولم نعلن عنه لان احنا مش بنتكلم عن حد بشكل سئ "وان كان الكلام حقيقة"
بعض الناس دخلت تسال صحوة هل انتوا متحولين للتحقيق ؟!!
ودة كان سبب انهم نزلوا البوست انهردة .. ولكن ..
ايه العلاقة بين ان صحوة متحولة للتحقيق وان صحوة تشتم فى الاتحاد
ايه العلاقة بين ان النتيجة تتأخر وبين ان الاتحاد يتشتم وكانه هو اللى بيصحح
ايه السبب فى ان كل شوية الاتحاد متهم من صحوة والتهم اللى نسبوها لدكتور عطوة
تعالوا نجاوب بالصور .. ونخلى المنطق يتكلم
صحوة قالت ان هما قابلوا دكتور عطوة وانه قال الاتحاد نصاب ودة الكلام >>

احنا لا ردينا على النت ولا عملنا اى حاجة .. روحنا للعميد وقولنا احنا ناو متهمين باننا بننصب على الطلبة .. بعد يومين تلاته وصلت لنا الرساله دى

طب دة كلام دكتور عطوة ..
انتوا ايه رايكوا .. مصدقين مين ؟!! .. ده كلام صحوة وده كلام دكتور محمد عطوة
مين بقى اللى عاوز يشوه مين .؟!!
مين اللى سكت على انهم متحولين للتحقيق ومش اتكلم ومين لما جه يعلن انه متحول للتحقيق اتكلم عن الاتحاد ؟!!
طولت عليكمـ
احنا مع بعض شوية كمان وان شاء الله مش هاتملوا مادام الكلام بالوثائق
دة كلام صحوة انهرده >>

الصورة فيها تلت نقط .. الاولى كلام دكتور محمد فريد .. الكلام دة كان فى المدرج وادام الناس وكل الناس اعلنته وكل الصفحات اتكلمت عنه .. لكن نقول ايه على البروباجاندا !!
وعلى فكرة الكلام دكتور عبدالقادر قرأة على المنتدى اللى صحوة اشارت له .. وكمان كان له تعليق :d
دكتور عبدالمحسن جودة >>
الراجل ده انا بحبه جداااااااا .. اكتر دكتور له شعبية فى الكلية .. اب بمعنى الكلمة .. انا هاقولكم حاجة .. بكرة التلات فيه جامعه .. اطلع خبط على المكتب وادخل واساله .. وانت بلا اى صفة .. شوف هايبقى تعامله معاك عامل ازاى .. بيعامل الطالب اللى مش بيدخل الكلية الا عشان الامتحانات زى امين الاتحاد .. جرب واحكم
دكتور عبدالمحسن لما صحوة كانت زمان بتتكلم عن الاضطهاد من ادارة الكلية .. هو اللى اخد الاسرة وكان المسئول عنها .. الوقتى صحوة بتتكلم انه رفض يقابلهم الا لما اتاكد انهم هايتكلموا فى الجداول
فلنفرض انه رفض يقابلهم .. بيتهيالى دى نفسها توضح التحول الفظيع فى الاراء ناحية صحوة ولو مش رفض يبقى هما بيدبوا :d
هو مين اللى محول صحوة للتحقيق ؟!!
الدكتور اللى مسئول عن الاسرة .. يعنى اكتر دكتور يهمه ان صحوة تكون تمام .. تفتكروا دى حاجة نفسها مش تشكك ؟!!
المنحة ||
بص ياسيدى ..
انا لما حد كان يجى يقولى ايه رايك فى منحة صحوة للسفر للخارج .. اقولة روح وجرب .. وعندى يقين ان الموضوع برووباجاندا مش اكتر .. لكن تعالوا اتكلم فى تفاصيل
المنحـــــــــــــه .. منحة السفر للخـــــــــارج .. العدد محـــــــدود =))
خدنا فى اللغة العربية ان المنحة هو حاجة بقدمهالك بدون مقابل .. سهله دى ؟؟
سهله الحمد لله
هل صحوة هاتسفر حد للخارج بدون مقابل ؟!!
اولا انتوا راحين معرض .. يعنى ايه معرض ؟!!
يعنى انتوا راحين هايجى ادامكم 30 جامعه هاتعرض عليكم سفريات بالفلوس ..
هاتعـــرض !! .. بالفلوس !! ..
طب هى فلوس رمزيه يعنى ؟!!
لا ياسيدى عشان تسافر هاتتكلف حوالى من 9000 الى 10000 استرلينى
ههههههههه خُلصت انا عارف بس انا لسة عندى كلام
طب اى حد ينفع يروح لو معاه الفلوس دى وهل فعلا بعد الرقم المخيف دة فيه شروط تعجيزية ؟!!
فيه شهادة اسمها التويفل .. ابحثوا عنها وهى من اهما لشروط عشان تطلع تسافر بره وهى خاصة باللغه وخصوصا لو هاتسافر امريكا او كندا او بريطانيا
ومجرد يبقى معاك حساب بنكى كمان :d
كدة انا وضحت الشروط اللى مش تعجيزية تمامااااا .. واكيد انا ماليش دعوة بالـ 25 جـ بتاعة الاتوبيس والكلام دة لان دى شئون قانونية مش مشكلتى انا ..
دة الرد .. والبينة على من ادعى
اخر نقطة ..
انتخابات الاتحاد خلال ايام . انا اتمنى ان صحوة تنزل الانتخابات ..
بكل بساطة ..
اسهل حاجة انك تكون دايما واقف فى دور المعارضه وعشان كدة صحوة مش نازلة انتخابات الاتحاد والايام جاية وهاتثبت ..
بس خلاص.
دا كان ردي
انا محمد ايمن محمود الفرقة الرابعة
مقرر مساعد اسرة الصداقة (25 يناير الان) لمدة عامان
و امين العلاقات العامة لاسرة الشباب الاحرار لمدة عامان وطبعا اسرة الشباب الاحرار غنية عن التعريف
هتكلم عن امور مهمة تهم بعض الاشخاص
بالنسبة لكلام الدكتور محمد عطوة : لما قال ان الاتحاد نصاب لم يقصد اتحاد شلة محمد جامع واسلام الزملكاوي
بل الاتحاد اللي قبلة وطبعا انتم عارفين مين هما
اما بالنسة لموضوع التحقيق مع صحوة فهذا الموضوع مش من اسبوع دا من نهاية العام الماضي وكان حدث مشادة كلامية في مكتب د/ طارق غلوش في اجتماع الاسر الترم الاول
ودا كان نتيجة النصب اللي حصل علي الطلبة بالمشاركة مع مركز برفكت وعلي حد معوماتي ان هناك قضية مرفوعة علي برفكت ايضا وذلك نتيجة التربح بعمد وبدون علم الكلية والطلاب يعني عملية نصب
اما بالنسبة للاتحاد الشريف اتحاد جامع وليس اتحاد الطلاب فهو مسئول ايضا في هذا الامر وذلك لعلمة من العام الماضي ان اسرة الصحوة تقوم باعمال يوجد فيها شبهة قانونية وتجاهلة لها بحجة انة مشغول بحفل تنصيب اول اتحاد منتخب .
لا والعجب انة ياتي الان ويقول انة عندما يعلم من احد الطلاب عن احد اعمال اسرة الصحوة يقول لة اذهب وجرب دا علي اساس اية ياعم اتحاد ان الطالب فار لتجارب النصب ويقول انة برئ من تلك الامور فيجب ايضا محاسبة هذا الاتحاد علي ما فعلة بقصد او بدون قصد
دا كان رد الاتحاد
اولا ياسيدى الفاضل احترام الاتحاد وشخصياته مش هايحددوا تعليق ليك او لغيركـ
ثانيا فى اول البوست قولت ان دكتور عطوة قال كدة السنه اللى فاتت .. واحنا جايبين كلام الاسرة بالصورة وانت داخل تكدبة .. على اساس ان انت مش قادر ترفع ايدك وتبص على الصورتين
ثالثا احنا لو معانا اى مستند كنا هانطلعه للادارة واحنا مش هانعمل صفقة مع صحوة يعنى
ماحدث فى مكتب دكتور طارق غلوش لا يعنينى بالكثير
ردي انا
احترام اية يا ابو احترام لما يبقي اعضاء الاتحاد يحترموا بعض الاول حتي لو امام الاسر في الغرفة يبقي حد يحترمهم ويقدرهم . ولما يبقوا يحترموا برنامجهم الانتخابي بتاع السنة اللي فاتت ويحققوا حاجة منة نبقي نحترمهم ولما اروح لجامع واقولة خلي بالك في نصب من الصحوة السنة اللي فاتت ويتجاهل يبقي حد يحترمهم واظن احني علي قديمة من اربع سنين وعرفين امور النصب ازاي وازاي نعرفها ونظهرها ولا اية يا رجالة ضوء القمر من ايام ابو عاطف ونجيب ولا نوضح اكتر . ملحوظة اخيرة عشان مافيش حد يقول اني بعمل دعايا لنفسي انا مش نازل الانتخابات انا اصلا مش نازل الترم التاني خالص عشان قرفت من اللي بشوفة واسمعة في الاتحاد