المحاضرة التانية تنمية وتخطيط اقتصادى دكتور محمد فريد || تصريحات خطيرة

سلامـ عليكمـ ورحمة الله وبركاتهـ .

انهردة كان يوم فيه محاضرة واحدة وهى محاضرة دكتور محمد فريد .. نقدر نقول المحاضرة عبارة عن كرسى فى الكلوب المحاضرة التانية تنمية وتخطيط اقتصادى
تصريحات خطيرة واتهامات كبيرة وردود فعل متباينه من الطلبة

الدكتور دخل متأخر شوية عن ميعاد المحاضرة واستمر لمدة نص ساعه المحاضرة التانية تنمية وتخطيط اقتصادى
اتكلم فى نقط خطيرة جدا جدا تخص دكتور عبدالقادر وقال ان الدكتور عبدالقادر كان بيقبض مرتبه اكتر من مرة وكان فيه تأخير لمرتيات اعضاء هيئة تدريس
وان العاملين فى الكلية كان بيبقى عليهم ضغوطات اكثر مما ينبغى

اتكلم عن الثورة ورأية الشخصى فى اللى بيحصل ناو ..
واتكلم عن الشباب واتكلم عن دور الشباب فى المرحلة الجاية ..
اتكلم عن الاقتصاد وحال البلد الاقتصادى وتتطرق لعناوين بسيطة هاندرسها السنه دى ..

وعد بـ امتحان بسيط نعوض بيه الترم الاول وان المنهج هايكون خفيف وانه بيعتز جدا بعلاقته مع الطلاب

هى محاضرة واحدة ومش كان فيها جديد وعشان كدة مش هايكون فيه توبيك يوميات للفرقة التالته انهردة