شعر عنوانه بسيط ... لكن محتواة كبير .. ( مخنوق من حد ) .

اتمنا ان ينال اعجابكم .....

لشاعر الثورة علي جمعة .

ومن الآخر متصدقهاش..

دنيا وأغلى ما فيها رخيص

وساعات ببلاش..

تلبسك أغلى جاكتة..

وتزحلقك بقشرة موزة

تكسرك ستين حتة..

وتبقى ستة على ستة

وتشوفها طشاش..

هى كده..

بنت لذينا..

قلوب بتضحك من بره وهى حزينة

ولمه أبيض على أسود سادة وكروهات..

بتجبرك تسكت خالص

وتسمعك كل الأصوات..

زغاريد فرح..

عربية أموات..

إسعاف.. مطافى وبلاوى

وبرىء فى البوكس..

فيها مرمطة النملة

وفيها رحرحة الكلب اللولو ف السوبر لوكس..

هى كده..

من غير شروط تفضل تديك..

وتبتليك ف أعز ما ليك

ولو تحن وترميلك نسمة

تخليك تدور ع الشبابيك..

وماتلاقيهاش..

هى كده.. ومن الآخر

أول ما تعرف إنك حبيت

تقطع لقلبك تذكرة ف قطر مسافر..

ورايح مش جاى..

هى كده..

ومتسألش إزاى..!

فى مرة عملتلك كوباية شاى

وجابتلك السكر بره..

عشان تحلى على مزاجك

يا عم دماغك..

فيها بقى زى ما فيها..

بنهرب منها..

ونمسك فيها..

المكارة..

تصطادنا من غير سنارة

ونلاقى أعمارنا الغالية ف إيدها سجارة..

بتولعها علشان تطفيها..

ونسيب ورانا حاجات كتير ما نكملهاش..

هى كده..

تيجى كده تجلها كده هى كده الدنيا

تسلم الايادى وتحيا لعلى جمعه

» مخنوق جدا من حد .. هعمل فية كدا
» طلب بسيط جدا
» طلب بسيط جدا
» لقاء مع واحد مخنوق جدااااااااااااااااااااااا اااااااااااااا
» ممكن سؤال بسيط