ليا واحد صاحبى انتيخى اقترح عليّ من كام يوم اضيف حد عالفيس بؤ
واكمني
عِشَري وبحب اللمه .. قلت ومالو .. اشوف هو عايزني اضيف مين , ولما رحت اشوف هو
عايزني اضيف مين .. لقيته عايزني اضيف
حسني
مباركيالهوي !!!!!!!!!
حسنى مبارك اللى هو
حسنى مبارك .. اللي لما بيمشي في الشارع بيبقى وراه زيطه وموتسيكلات
وعربيااااااااااااااااااااات يسدوا عين الشمس...
يانصيبتي !!!!!!!!!
حسنى مبارك اللي من كام يوم راح افتتح كوبري مش عارف ايه .. اللي
قعدو فيه عشرطاشر سنه وكلّفهم عشرميت مليار دولار .. والبلد فيها كساد والعواطليه
مش لاقين شغل .. ولا لاقيين حق مشاريبهم عالقهوة حتى
!!!!
ساعتها افتكرت
الموضوع ده .. وقلت أكيد أكيد حسني مبارك قرر انه يواكب التكنولوجيا.. ويعمل زي
أوباما , ولا ده حسني مبارك تاني متشابه مع حسني مبارك الأولاني .. في الأيام
المباركه دي !!؟؟
.. طبعا ماكدبتش خبر وأضفته وش , مش كده وبس .. ده انا حطيته
في التوب فريندز كمان
ولو بإيدي كنت حطيته فوق راس التوب فريندز كللهم
!!!
وبعدين هو انا في افديك الساعه لما
حسني مبارك يبقى صديقي
الصدوق .. ونعمل لبعض تاجات على النوتس اللي بنكتبها .. ونعزم بعض على الإفنتات
اللي هنروحها
بس نوتات ايه اللي هعمللو تاج عليها .. انا علاقتي بالسياسه زي
علاقتي باللغه الصيني .. آخري آقول
أندي هاجات هيلوه ..
جوى جوى !!؟؟؟وإيفنتات ايه اللي هعزمو
عليها ..
اقوللو تعالى معانا بؤجة الخير مثلا .. دي تبقى عيبه في حقه ..
بؤجة ايه بس
.. وهو مقامو بؤجة برضك .. ده مقامو كونتينر من القنطره شرق وش !!!
ولا
اقوللو احنا رايحين البورصه عشان نضربلنا اتنين فيسكافيه بلاك ونشتم في البلد شويه
!؟؟؟
وطبعا ساعتها هنبقى بنشتم البلد .. متمثلة في الشعب الرعاع اللي مش
عارف مصلحته !!!
ولو فرضنا جدلا عبثا هطلا .. حبيت اعمللو تاج على صوره
مشتركه بيني وبينه .. هيكون وضعي ايه في الصورة !!!؟؟
يعني هل هكون واحد من اللي
واقفين في الشوارع وبألوّح بإيدي مشيرا ليه بالتحيه !!!؟؟
-
حلوه قوي (بألوّح) دي -ولا هل هيكون في ماتش لمصر وانا بشجع وبهتف
.. وصورته باينه من خلال الشاشه بتاعة الاستاد اللي هتكون ورا ضهري .. بما إني هبقى
قاعد في الدرجة التالته مع عامة الشعب .. مش في المقصورة ولا حتى الدرجة التانية
!!!؟؟
ولا ممكن مثلا مثلا .. اكون باسلم عليه في عيد العمال وهو بيديني
مفتاح شقة إسكان متوسط .. وطبعا ساعتها هاكون متنكر ولابس جلابيه وعِمّه وباعمل شاي
على سبرتايه .. وهو
- قال ايه - يفاجئني ويجي يشرب معايا
الشاي !!!؟؟
لألألأ .. انا لازم استغل الفرصه واضرب مع
حسني مبارك
صحوبيه .. وساعتها هقوللو زي ما أحمد عز بيقوللو .. هقوللو ازيك يا أونكل
!!!!!؟
.. آه أونكل .. انا اقل من أحمد عز في ايه ولا مؤاخذه .. هو اسمه
أحمد وانا اسمي محمد
.. هو عز وانا مادو .. و مادو تعتبر مرادف للعز في الأيام
الضنك اللي احنا فيها دي..
وكمان لازم بعد كده ادقق في تصرفاتي
وتعاملاتي مع الناس .. اه طبعا .. يعني مش أي حد هقوللو حليب هارتي
- زي ما هنقولها انا وحسني لبعض - لازم يكون في حدود في تعاملاتي
مع الناس العاديه
يعني مثلا مثلا .. من النهارده مافيش تجمعات خير
تانى,
مانا هعمل خير تاني بقى .. مش هبقى مع حليب هارتي
حسني
مبارك.. وهنقعد نتجاذب طراطيف الحوار .. وهنتكلم في القضية المصيريه للشرق
الأوسط .. وتأثير ده على ارتفاع سعر الخيار في البلد
!!!!!!!
وكمان
من النهرده مش هقول الفاظ بيئة.. مانا خلاص بقى صاحبت
حسني
مبارك وبقينا اناتيخ مع بعض
يااااه .. والله هتزهزه أيامك يا مادو
.. ومش بعيد تشرب سجاير ماللبورو بدل الكولوباطرا الفرط !!!
واحتمال كمان
- إوعدنا يارب - أركب السي تي إيه .. وابقى من الشباب الكول
!!!!!
.. ولو البليه لعبت معايا سيكا .. هعمل كتاب كده يكون فاتحة خير
بعون الله .. ويبقى اسمه
حسني مبارك .. الماى فريند بتاعي
!!!!وأكيد من الاسم بتاع الكتاب .. باين إني بعت القضيه
خلاص .. وأساسا مافيش بين الحبايب قواضي ..
وربنا مايجيب الا المعروف ..
والملايين والفيلل في مارينا .. والعربيات الآخر حاجه !!!
ياااااه
أنا في قمة التفاؤل والسعادة والانشكاح ...
بس
للاسف طلع حسنى مبارك واحد تانى
[ندعوك للتسجيل في المنتدى أو التعريف بنفسك لمعاينة هذه الصورة]
هوايتك اه ياجميل
مشاركاتي
انت من اين ياباشا 
في الفرقة الكام 
ايه النظام:
موضوع: ماى فريند .. حسنى مبارك !! 
الجمعة نوفمبر 27, 2009 7:11 pm
مكانك فين في الجامعة
