.قصيدة عيد الأضحى السنادي

.قصيدة عيد الأضحى السنادي



عيد الأضحى السّنادي.

أجمل أعياد بلادي.

من غيرجمال وسوزي.

نهارنا جميل ونادي.

من غيرعِزّ..ونظيفْ.

والعادلي..والشّريفْ.

وحسني ابن الأبالسة.

وابنه علاء السخيفْ.

من غير سرور وعزمي.

ورشيد..والباشا فهمي.

وفاروق اللّي بغباوته.

لَخبطْ عقلي وفِهمي.

من غير بطرس وسالمْ.

وابو الغيط المُسالِمْ.

وكل اللّي بسببهم....

رقصنا على السلالِمْ.

هنعيش وهنبنى دولةْ.

وهنصبح م العتاولةْ.

فيها ايه لو يوم خِسرنا.

هنعيد تاني المُحاولة.

هنصون أرضِكْ ونيلكْ...

وف نِنّ العين نشيلك...

إنسي العُمر اللّي فاتك.

يابلادي وشِدّي حيلِكْ...

العيد بالثورة جالِكْ.

بيقولّك خَلّي بالِكْ.

دَم الشهيد أمانة.

وعِيالُه مِحتاجالِكْ.

أمن الدولة الجبانة.

قتلوه غدر وخيانة.

قطفوا زهرة شبابُهْ.

حرموه يفرح معانا.

تحياتى

قصيده جميله تسلم الايادى

كل سنه وانتوا طيبين يااجمل اعضاء فى الدنيا