عندك سبب عندك ردمقنع

لية الولد يقدر يقول اي حاجة هو عاوز يقولهاوفي اي وقت وقدام اي حد ماتفرقش اللي بيكلمة دة بنت ولاولد مش فارقة معاة هواللي بيقولة دة ينفع يتقال ولا ماينفعش يعلى صوتة في الشارع عادي جدا يعمل اي حاجة مش مشكلة دة ولد اما البنت كل حاجة عيب انت بنت لو ضحكت في الشارع غصب عنها يبقي هى مش محترمة وبتضحك لحد معدى وهي تكون بتتكلم هي وصاحبتها ومش في دماغها اي حاجة لو اتنرفزت وعلت صوتها يبقى بتلفت نظر ولد ليها ويطلع عليها كلام من كل شكل ولون واخيرا لو سلمت علي طنط جارتها يبقي هي بتحب ابن طنط المفروض البنت تعمل اية مع كل الاسلاك الشائكة المحاطة بيها من كل النواحى ماتخرجش الشارع ولا تكلم حد ولا د يكلمها تتحبس في البيت يعنى . لية كدة !!!!!!!!! انت اوانت_لوعندكو اسباب مقنعة اومبرر قول

لان البنت المفروض تكون تحافظ على نفسها لان من وجه نظر الناس ان البنت عامله زى الجوهرة لازم يتحافظ عليها وفعلا اى بنت لازم تتحكم فى تصارفاتها يعنى فعلا مينفعش تمشى ف الشارع تتضحك وتهزر مع اصحابها مينفعش صوتها يعلى اصلا انا فعلا موافق ع الموضوع ده ومش من حق اى بنت انها تعترض

اية ياعم مش انا واللة انت داخل فيا شمال كدة لية انا بتكلم عن العموم اللى بيحصل قدامي انا الحمد للة مش بعمل اي حاجة من الحاجات دى وبردة ماسلمتش اخدت لقب معقدة وانا فعلا اتعقدت لانى مش قادرة افهم الدنيا ماشية ازاى وبعدين انامش بقول ان البنات اللي اتكلمت عليهم سابقا انها تتكلم بصوت عالى بس ساعات لآ بيحصل استفزاز فلو حصل كدة وكل انسان سواء كان بنت اوولد لية طاقة مايتفسرش دة علي اساس انها بتلفت نظر حد ليها دة اللى اقصدة ان بقي في سؤ نية تجاه اي بنت مش بقول ان البنت تبقي قليلة الادب



اما عن موضوع ان البنت جوهرة فالولد هو الجواهرجي يعنى لازم يكون على قدر اناقة الجوهرة بتاعته ولا اية

الحل الاكيد يا وسام ان دى ثقافة شعب فاحنا هنا فى مصر لو بت مشيه فى الشارع
ولبسه بكينى عارفة اللى بتلبس فى حمام السباحة الشعب كله هيبص عليها بسخريه من أول
رئيس الجمهورية المنحل لاخر واحد مالهوش لازمة فى الدولة اما فى أوروبا البنت بمكن تمشى من غير
هدوم خالص وبمكن هى اللى تعاكس الشاب وبمكن تنام مع أى شاب فى أى مكان ثقافتهم كدة.........
فاانتى غيرى ثقلفة الشعب وخدى راحتك وانتى ماشية فى الشارع




[ندعوك للتسجيل في المنتدى أو التعريف بنفسك لمعاينة هذه الصورة]




للاستمتاع بمشاهدة موقع اسلامى متميز اضغط على هذا الرابط :

[ندعوك للتسجيل في المنتدى أو التعريف بنفسك لمعاينة هذا الرابط]

مصر الكنانه ما هانت علـــى احدا * الله يحرسهـــا عطفـــا ويرعاهــــا
ندعوك يارب ان تحمــى مرابعهـــا * فالشمس عين لهـا والليل نجواها

انتو لية ياجماعة مش فاهمين وجهة نظرى انا لتانى مرة بقول انا مش مع ان البنت تاخد راحتها في الشارع ولا حاجة انا بس بتكلم علي سؤ النيه اللي بقت موجودة وفارضة نفسها على عقول الولاد على طول بيسفر اي تصرف للبنت على انها مش محترمة معاك ان في بنات كتير مش كويسين بس في بنات اكتر محترمين اوى انا بتكلم علي البنت المحترمة لية تاخدوها بذنب اللى مش كويسة . كمان انت جرئ في كلامك اوى لانك ولد ردك اللي فات دة انا مااعتقدش اني في بنت تقدر تقول الكلام دة كدة علنا مع حد ماتعرفوش وهى دى النقطة الاساسية اللي كنت عاوزة اتكلم معاكوا كلكم فيها بس للاسف ولا بنت دخلت

خلاص كلمى البنات ولو محدش رد عليكى كلمينى على هذة النمرة
زيرو تلت اصفار زيرو خمس اصفار متاح يوميا 25 ساعة



[ندعوك للتسجيل في المنتدى أو التعريف بنفسك لمعاينة هذه الصورة]




للاستمتاع بمشاهدة موقع اسلامى متميز اضغط على هذا الرابط :

[ندعوك للتسجيل في المنتدى أو التعريف بنفسك لمعاينة هذا الرابط]

مصر الكنانه ما هانت علـــى احدا * الله يحرسهـــا عطفـــا ويرعاهــــا
ندعوك يارب ان تحمــى مرابعهـــا * فالشمس عين لهـا والليل نجواها

ردودكم غريبة اوى كلها هزار

العادات والعرف الاجتماعي عودتنا علي كدة

بس البنت والولد زي بعض

انت قصدك يا وسام علي سؤ نيه الشباب نفسهم
بس علي فكره سؤ النيه ده بقي موجود في كل الشعب المصري
عندك في الجامعه مثلا لو شاب واقف مع بنت عادي وبكل احترام وممكنت يكونو اتقابلو صدفه اساسا وبيكلمو عادي
يبقي علي طول اللي يشوفم يبقي هما بيحبو بعض والبنت دي مش محترمه اظن ده اللي بيحصل دايما؟



زي ما الشباب قالو كده هي ثقافه شعب فعلا للاننا خدنا علي كده خدنا علي سؤ النيه

اولا دى ثقافة موافقاك بس مش من ايام الفراعنة ولا حاجة المصرى عمرة ماكان قليل الادب ولا قليل الذوق ولا الغريزة الحيوانية اللى فية هي الدافع الاول والاخير اللى بتحركة ذى دلوقتى اطلاقا دى كانت قلة من الناس وكان المصري الحقيقى اللى عندة دم لوشاف حد بيعاكس بنت او ست كان بيبقى لية موقف رجولى لانة راجل مايقبلش يشوف حاجة مش كويسة قدامة اما دلوقتى واحسرتاااااااااااااااااااااااة على الرجالة اللي يشوف صاحبة بيعاكس بنت يعاكس صاحبتها او يساعده عادى ماعدش في اخلاق ماتظلمش الناس من ايام الفراعنة 0000000000لحد والدى ووالدك وممكن اللى بعدهم بشوية كمان يكونو محترمين اما انتو ياحفيظ المفروض ان تبقى النهاية للاخلاق الوحشة الثورة يارب تكونوا اتغيرتوا بعدها اتمنى

طيب سؤ انية عند كلة لان كلة كان فاضى مش لاقي حاجة يعملها فبيتسلى بالغيبة والنميمة ماشى المفروض بقي ان كل واحد يغير نفسة للاحسن مش بتقولو ان الثورة غيرت فيكو كشباب عاوزين نشوف التغير باة عاوزين احترام

عادات اية هوانت اتعودت فى البيت انك تجرج الناس بسبب وبدون سبب اتحداك لو كان والدك وهو فى سنك بيعمل الحاجات اللى انت بتعملها دلوقتى وانت متاكدة انك اصلا مش موافق عليها بس بتقول ماهو كلة كدة هو انا لوحدي المفروض بقاة على حسب كلامك يازعيم انك قررت تتغير اتغير باة وغير صحابك حتى تاخد ثواب على كل واحد تغيرة وتبقى بتعمل عمل وطنى

على فكرة يا وسام انتى شكلك بنت محترمة جدا ...وربنا يبارك فيكى
وحاولى انك تثبتى على طريقك مهما كانت الظروف




[ندعوك للتسجيل في المنتدى أو التعريف بنفسك لمعاينة هذه الصورة]




للاستمتاع بمشاهدة موقع اسلامى متميز اضغط على هذا الرابط :

[ندعوك للتسجيل في المنتدى أو التعريف بنفسك لمعاينة هذا الرابط]

مصر الكنانه ما هانت علـــى احدا * الله يحرسهـــا عطفـــا ويرعاهــــا
ندعوك يارب ان تحمــى مرابعهـــا * فالشمس عين لهـا والليل نجواها

شكرا على رايك فيا وفعلا دة رايك ولا انت بتساير الكلام لانى كنت بتكلم على الاحترام

شكرا على رايك فيا بس دة عشان كنت بتكلم على الاحترام والرجولة وكدة ولادى قناعتك .!؟ وماتخافش عليا ياسيدى هثبت ان شاء اللة وشكرا عل التنبية اللى كان قبل كدة فاهمنى انت 0000 اشكرك ياطارق

لازم يكون فى فرق بين الولد والبت
الولد لو عمل كدة يبقى قليل الادب سورى على الفظ
وكذلك البنت ولاكن البنت يجب ان تكون متحفظة فى كلامها وافعلها عن الولد دة طبيعى ومنطقى ومش محتاج نقاش نهائى
لان اقل حاجة ان صوت المراة عورة وما باللك من الباقى

ياسيدى انا مش مختلفة معاك في الكلام دة بس انا بتكلم عن حاجة تانية لية البنت طول الوقت في موضع اتهام وارجع لردودي وانت هتفهم انا عاوزة اقول اية اشكرك على اهتمامك بالموضوع