أول محاضره في الحكوميه..........

* بسم الله الرحمن الرحيم*
وهنبدأ كده مع بعض يا جماعه بدايه خير ان شاء الله السنه دي وأتمني تكون بدايتي معاكم خير وهحاول أوصلكم المعلومات علي قد ما أقدر,ونبدأ بسم الله.................
هنبدأ مع بعض أول محاضره في المحاسبه القوميه(الحكوميه)
انته أصلا عندك كام محاسبايه السنه دي عندنا كده ما شاء الله ومن غير حسد من الأقسام التانيه 3محاسبات دي واحده منهم نبدأ كده مع بعض..
يعني ايه أصلا محاسبه حكوميه:
@يعني تتعلق بالنشاط الحكومي
أينما توجد الاموال توجد المحاسبه
وبرضه أي عنصر يمكن تقييمه فهو مال.

المحاسبه:هي الأداه الوحيده لقياس الأصول
المحاسبه علم ينتمي الي العلوم الاجتماعيه(الانسانيه) وذلك بهدف معرفة نتيجة النشاط من ربح أو خساره ومعرفة المركز المالي للنشاط...

******************

نيجي بقي للنشاط الحكومي
بيهدف لايه؟؟؟؟؟؟؟؟؟؟؟
يهدف الي تقديم خدمه وهذه الخدمه بدون مقابل أو تؤدي بمقابل رمزي مثل خدمة الدفاع عن الوطن يعني انته قاعد في بيتك معزز مكرم وفيه جندي واقف علي الحدود بيدافع عنك يا تري بتدفع لده فلوس أهو هوه ده قصدي بقي ...المفروض نكون فهمنا هندرس ايه!!!!!
وكلنا عارفين ان العالم أصبح قريه صغيره بسبب التكنولوجيا سواء من داخل دوله أو من خارجها وبسبب هذه العناصر تقوم الدوله بالانتاج الكبير .......
وفيه عندي سؤال ليكم يا تري الحكومه ليها رأس مال؟؟؟؟؟؟؟؟؟
أكيد كل واحد فيكم هيقول ايه البنت دي هوه ده سؤال دي الحكومه!!!!!! يعني الكل في الكل ويمكن هيا تكون راس المال نفسه
دلوقتي هقولكم سألتكم السؤال ده ليه
علشان اقولكم حاجتين :
1-الحكومه ليس لها رأس مال .
2-ان فيه فرق بين قطاع الاعمال والقطاع الحكومي ايه هوه .
A-قطاع الأعمال هادف للربح
B-قطاع الحكومه غير هادف للربح

أصبح في قطاع الأعمال ازدواجيه:
1-التهرب من الضرايب
2-متابعة النشاط
****القطاع المدني (الأهلي ,الخيري)وهذا القطاع يمول من قطاع الأعمال وهذا القطاع أيضا غير هادف للربح,يقوم بنشاط موازي للقطاع الحكومي مثل المستشفيات ,ويدخل في أنشطه كانت تقوم بها الحكومه .
النشاط الحكومي بالخدمات التي ليس لها مثيل في السوق.
*********************
(طبيعة النشاط الحكومي):

1-النشاط المالي للحكومه يتمثل في ايرادات (موارد)واستخدامات (مصروفات)تتحدد دوريا
*لا بد من وجود رأس مال كنقطة بدايه للاشخاص الذين يقومون بنشاط هادف للربح
السلطه التنفيذيه لها سلطه السياده

2-النشاط المالي الحكومي نشاطا موحدا في كل عناصره لكي تقوم الحكومه بدورها لابد وأن توفر جهودها ولذلك لابد من عمل نظام يناسب كل المستويات

3-النشاط المالي الحومي يرتكز علي قانون الموازنه العامه
قانون المحاسبه قابل للتطبيق والموازنه العامه للدوله هي الأساس

4-النظريه المحاسبيه في النشاط المالي الحكومي هي نظريه الأموال المخصصه
نظرية حقوق الملكيه :
الأصول=الخصوم(الالتزامات)+حقوق الملكيه

نظرية الأموال المخصصه:
الاعتمادات(المبالغ المخصصه) =النفقات(المصروفات)

5-يأخذ النشاط المالي الحومي بمفهوم عدم التخصيص أي عموميه الايرادات والمصروفات
***القاعده:عدم التخصيص........
أسألكم بالدعاء لي بالتوفيق وكانت هذه أول محاضره في الحكوميه....وأعانكم الله....

بجد متشكر جداااااااااااااااااااااااااا
وربنا يوفقك ويوفقنا جميعا

مشكووووووووووووره جدا وجزاك الله كل خير

متشكره يا جماعه وأوعدكم ان شاء الله أنزلكم محاضرات كل أسبوع أولا بأول بس علشان الاسبوعين مع بعض فكان صعب عليا

مجهود كبير والله يا جماعة
بس ياريت لو ينفع حد يقابلنى فى الكلية واصور منه المحاضرات
بصراحه هازهق من النقل من على الكمبيوتر اهو على ما ان شاء الله اجيب طابعه قريب

بصوا يا جماعه الجزئيه الأخيره دي الدكتور مركزشي فيها الا علي نقطه واحده وهيا:
ان النظريه المحاسبيه ليست نظرية حقوق الملكيه ولكنها نظرية اللأموال المخصصهومعني كلمة الأموال المخصصه دي اللي هيا النفقات أو المصروفات يعني الجزء اللي بنصرفه اقولهالكوا ببساطه أكتر هيا (لو مثلا عندي مشروع وعاوز أشتري مواد خام لحاجه معينه الجزء اللي بخصصه دهه هو دهالاموال المخصصه وعلشان مخصصه في الشراء فبسميها المصروفات(النفقات)يا رب أكون قدرت أوصلك اللي انته عاوزه يا يوسف.............[/b]

شكرا بجد ياقمر ويارب يوفقك وتنجحى بامتياز بجد شكرا كنت محتاجه المحاضرات اوى

شكرا يالولو ويارب تجيبي امتياز انتي كمان وربنا معانا كلنا

شهرزاد كتب:

بصوا يا جماعه الجزئيه الأخيره دي الدكتور مركزشي فيها الا علي نقطه واحده وهيا:
ان النظريه المحاسبيه ليست نظرية حقوق الملكيه ولكنها نظرية اللأموال المخصصهومعني كلمة الأموال المخصصه دي اللي هيا النفقات أو المصروفات يعني الجزء اللي بنصرفه اقولهالكوا ببساطه أكتر هيا (لو مثلا عندي مشروع وعاوز أشتري مواد خام لحاجه معينه الجزء اللي بخصصه دهه هو دهالاموال المخصصه وعلشان مخصصه في الشراء فبسميها المصروفات(النفقات)يا رب أكون قدرت أوصلك اللي انته عاوزه يا يوسف.............[/b]

شكرا بجد يا قمر من نجاح لانجاح دايمانا يا جميل

ربنا يوفقكم يارب

شكرا جزيلا على المحاضرات الموجوده........... لكن فين باقى المحاضرات

مشكورة جدا على المجهود ده وجزاكى الله خير ا وربنا يوفقك يارب

مشكوووووووووووووووووور