ايوا بغير علشان انا صعيدي

ايوا بغير لاانا نقصان ولاضعفان ولا مسطول ولا سكران ولازايع من عيني الضي ولاحد احسن مني في شي بس بغير واللي قالولك غيرة الراجل قلة ثقة او قلة فهم دول خلق حمير غير الراجل نار في مراجل نار بتنور ما بتحرقش شمسنا حامية وعرقنا حامي وطبعنا حامي واللي تخلي صعيدي يحبها يبقي يا غلبها اصل ناس علي قد الطيبة كلنا هيبة والنسوان في بلدنا جواهر طب لوعندك حته ماس حتخليها مداس للناس ؟؟ ولاحتقفلي اوضة عليها بميت ترباس يمكن حتا تاجري ليها جوزين حراس يبقي انا لااجاهل ولا غافل كل الفرق ما بيني وبينك اني صعيدي ينعل ابو دة اليوم الاكحل اللي طلعت لقتيني فية صعيدي

,,,,,,,,,,,,,,,,,

لو كان با يدي كنت اعملك هندي بريش واقلب شعري كنيش كرابيش والبس لك سلسلة متدلدلة خرزة وقلب بس ازاي البس لك سلسلة ؟؟ هو انا كل\ب ؟؟ ثم العبرة ماهيش في البس اصل المشكلة عندك .. عندك .. قلت حاسيبها وبكرة تحس بعدة تحس .. بعدة تحس.. دا انا لو جبس كنت زعقت ماشي صداقة ماشي زمالة بس ما جتش علي الرجالة ما هي نسوان الدنيا كتير وانا ما بقولش تخاصمي الناس ولا تتحجبي عن الرجالة ولا تعتكفي وتسكني دير بس ياريت حبة تقدير اني بحبك واني بريدك واني زرعت حياتي ف ايدك واني غزلت بنات الدنيا عقود علي جيدك واني تعبت من التفكير واني بغير بحبك ....يا اللي ف بالي

شكرا يا غادة علي المرور

ويارب تكون القصيدة عجبتك شوفتي بقا الصاعيدة كيف ؟؟

[ندعوك للتسجيل في المنتدى أو التعريف بنفسك لمعاينة هذه الصورة]