عرض الشباب من البنك الاهلى سوستيه جنرال

بسم الله الرحمن الرحيم
اولا السلام عليكم ورحمه الله وبركاته وكل سنه وانتوا طيبين كلكوا ويارب تكونوا بخير
فيه موضوع انا عملته انا قولت اقولكوا عليه للى يحب يستفاد منه
الموضوع ده هوه انه فيه البنك الاهلى سوستيه جنرال عامل حساب اسمه حساب الشباب الحساب ده ليه مزايا كتير
1- اولا بيبقى حساب زى حساب التوفير لان بيبقى ليك فايده 5.5% على اى مبلغ ثابت انته حاطه الفايده دى بتتضاف كل 3 شهور (ربع سنويه )
2- كمان بيعملك كارت فيزا ( ملحوظه ان كارت الفيزا فى الحسابات العاديه بيبقى مصاريفها 40 جنيه فى السنه ) وطبعا الفيزا مش عايزه تتشرح استخداماتها لان اكيد كلنا عارفينها
3 - بيقدم انترنت كارد وطبعا الانترنت كارد دى بتستعمل فى الشراء والبيع من على الانترنت بدل استخدام الفيزا بحيث ان انته بتحط فيها المبلغ اللى انته عايزه من الفيزا وبتتصرف فى حدود المبلغ ده يعنى هتحافظ على حسابك او ان حد يستغلك من على الانترنت غلط ويسحب من الحساب اكتر من المسموح بيه
4 - بيقدم خدمه اسمها ( نيتا ) الخدمه دى هيه عباره عن انك بتاخد اسم وباس ورد وبتدخ لمن على الانترنت على موقع معين ومنه بتقدر تعرف حسابك وتشوف كشف الحساب بتاعك غير انك ممكن تقدر تنقل من خلاله فلوس من الفيزا للانترنت كارد
5 - خامس خدمه بيقدمها اسمها(فونا ) والخدمه دى عباره عن انهم بيبعتوا ليك رساله على موبايلك كل يوم خميس بتعرفك حسابك ولو فيه فايده نزلت او اى حركه تمت على الحساب بتاعتك
الخدمه دى والخدمه اللى قبليها فى الحساب العادى بتقدم ب6 جنيه فى الشهر للخدمه غير ان الحساب العادى بيبقى مصاريفه 19 جنيه للحساب الجارى وتقريبا 15 جنيه لحساب التوفير كل 3 شهور .
اما فى حساب الشباب ده ف المصاريف بتاعته 50 جنيه بس كل سنه هوه شرطه انك بس اول مره وانته بتعمل الحساب يكون فى الخزنه اقل حاجه 52 جنيه علشان ياخدوا مصاريف الحساب اما يشتغل بس .
وطبعا انا تحت امركوا اللى حابب انه يعمل الحساب ده ويستفاد من العروض دى يعرفنى بس وانا هقوله على المكان والاوراق المطلوبه .
ومعلش طولت عليكم

شكرا على الافاده الجميله دى يا يوسف

البنك اسمه البنك الاهلى سوستيه جنرال اللى عند المحافظه لو حد حابب يعمل يقولى برده