معاناة اتوبيس ................

واقف فى محطة أتوبيس
فى ايد بطيخة وفى التانية كيس
الكيس كان مليان خضار مراتى كانت طالباه منى
ماهو انا طالما اتجوزت لازم انفذ غصب عنى
المهم ركبت الأتوبيس
وكان ارحملى اشوف ابليس
زحمة لا يمكن أوصف فيها
والناس مش طايقة بعضيها
والكمسرى ينده
أنت يا استاذ اتحرك عشان غيرك يركب
اذا كنت انا مش لاقى مكان هتجيب منين ناس وتركُب
انا لما قلت مش لاقى كان قصدى على مكان اقف فيه
اصلك عشان تركب وتقعد لازم معجزة تحصل قبليه
الأتوبيس اتحرك بينا
وفى سكة طويلة مودينا
واقف لا بيا ولا عليا
جت واحدة ووقفت جنبيا
مش عيب يابنى عليك كدا
يابنى ده انا قد والدتك
ياحجه هو انا جيت جنبك
ولا حتى وقفت فى سكتك
سبحانك يا ربى عالناس
بتتهم على اى اساس
والناس من سذاجتها صدقتها
ووقفوا عالكلمة اللى قالتها
صدقوها وكدبونى
وكانوا ناقصين يلطشونى
يا عم احترم نفسك وابعد بسرعة قوام عنها
يا جماعة والله ما كلمتها ولا حتى قربت منها
ومشيت وبتغلى فيا نار
مع بطيختى وكيس الخضار

ربنا يعينك على الجواز وتربيه العياااااااااااال وانت قلت حاااااااااااااجة موجودة عندنا يوميا وبقت زى الجراب اتعودنا عليها
اما بخصوص اتهام المراة ليك فدا علشان انت تسيب مكانك ليها وتمشى بعيد علشان تقف براحتها