العمر : 33 انت من اين ياباشا : ma .h .all.a في الفرقة الكام : الــ... 4 مكانك فين في الجامعة : بالمحـــــــــاضرات ايه النظام: : مطرقعsms : اذا ما طمحت الى غاية ... ركبت المنى ونسيت الحجر
ومن لايحب صعود الجبال ... يعش ابد الدهر بين الحفر mms : 16141
موضوع: أسطورة الشحاطة الزرقاء الإثنين ديسمبر 21, 2009 10:55 pm
لن أستطيع إخباركم شيئاً عن أسطورة اليوم وذلك لسبب بسيط هو أننا لم ننته من طباعتها بعد !!
لذلك لم تصلني تفاصيلها حتى الآن فكيف أستطيع إخباركم إذاً !!
ولكني - وحتى لا ينتحر بعضكم من الفضول - سأخبركم بعض الأشياء الجوهرية حول محتواها
انظروا جيداً إلى العنوان في الأعلى،
تأملوه لثلاث دقائق،
ثم
استنتجوا معي:
* أول كلمة (أسطورة) إذاً على الأرجح سنقرأ (أسطورة) !! * (الشحاطة) هناك حتماً شحاطة في الموضوع * (الزرقاء) الشحاطة لونها أزرق يا جماعة !!
والآن ننتظر وإياكم حتى يصلني العدد المطبوع من هذه الأسطورة
أنت هناك ناولني كوب الشوكولاتة الساخن -والتي بدأت أحبه- بعد أن كنت لا أحبه !!
من جديد أحاول التغلب على وحدتي القاتلة
في جلسة أسبوعية أحببتها لأني ألقى فيها عالم البشر
واليوم سأحكي لكم أسطورة المقبرة السابعة والثلاثين
هناك سنجد ال....
ماذا ؟؟
قلت لكم إنها أسطورة الشحاطة الزرقاء !!
لقد أصبحت كثير النسيان هذه الأيام يا جماعة
حسناً سأحكي لكم الأسطورة
عن الشحاطة
الزرقاء
انظروا للأسفل فقط
وستفهمون كل شيء
**********************************************
الشحاطة هي الخف المنزلي باللبناني يقولون لها شحاطة ويقولون لها بابوج وبالسوري كمان يقولون لها شحاطة ويقولون لها بابوج وبالجزائري يقتربون منا، ويسمونها البابوش، أما في مصر فاسمها الشبشب، وفي الفرنسي اسمها Al shhata al zarkaa بينما في الانكليزي اسمها The sheta the zarkee
الفصل الثاني _ موقف محرج لا أعرفه حتى الآن !! (ويحكيه ناجي)
هيدي هي مشكلة سائق الباص يا جماعة لما بننتظره ما بيجي وبيتركنا واقفين نص ساعة ليوصل !! طبعاً أنا ما بكون زعلان للدرجة هيدي لأنه حضرته بياخدنا للمدرسة!! بس المشكلة الكبيرة فيه أننا لما بنكون مثلاً في الحمام وبيوصل حضرته قبل وقته بربع ساعة وبيضغط على الموبايل يرن ليا على رقم البيت وعلى بوق السيارة مع بعض !! في ذلك اليوم كنت أنا في الحم..إحم !! وبدأ حضرته يضغط البوق بشكل جنوني جداً وأنا ارتبكت وما عدت أعرف شو لازم أعمل طلعت من الحمام وبديت أركض يمين وشمال لأبحث عن كتبي ودفاتر التلاميذ ودفتر التحضير وبعدها فتحت الباب ونزلت بأقصى سرعة ونطيت بهالباص يللي انطلق فيه السائق وأنا غمضت عيني وتقريباً نمت و...
-وصلنا يا أستاذ ناجي قالها السائق فانتفض جسدي مردداً: {أعوذ بالله من الشيطان الرجيم} ونزلت للمدرسة ودخلت لأوقع على دفتر الدوام، و.. وكانت الكارثة.. الكارثة الحقيقية.. والموقف المحرج.. إلى أقصى حد ****************************************************
الفصل الثالث _ (مش عارف إيش أقول) !! (ويحكيه سائق الباص)
سبحان الله يا جماعة كل أستاذ وكل معلمة لازم يتأخروا !! هم بيعتبوا على الأولاد الصغار ليش طالما هم بيعملوا متلهم !! ناجي كان الوحيد يللي ما بيتأخر بس في ذلك اليوم كانت ساعة الباص مقدمة في الوقت منيح وبدل ما أكون ستة ونص تحت بيت ناجي كنت ستة وخمسة تقريباً !! ومتل عادتي حطيت إيدي على البوق ويللا زمور وراء زمور وراء زمور وأنا عم أقول لحالي صابه أيش ناجي ؟؟ بطل ينزل ليش ؟؟ وفجأة سمعت صوت فتحة باب وإغلاقه وصوت خطوات على الدرج وبعدها انطلق ناجي متل القذيفة ورمي حاله في المقعد المجاور لي ومشيت أنا بالباص وأنا واقع بحيرة كبيرة من أمري يا ترى أقول له أو مش أقول له ؟؟ طيب ممكن لو قلت له يزعل ويعتبر دا تدخل بأموره الخاصة بس -يا سبحان الله- أستاذ رايح لمدرسته بالشحاطة !! ومش أي شحاطة كانت لا أبداً هيدي شحاطة الحمام !!
*************************************************
الفصل الرابع _ (يااااااااا ويليييييي إجاااااااااا نااااااااااجيييي) !! (ويحكيه مدير المدرسة)
بصراحة تامة أكتر واحد حيرتني شخصيته من الأساتذة هو ناجي !! بتلاقيه أمامك طيب القلب وما بيتكلم وما.... حاول أنك تؤذيه وبتلاقي قام عليك وقلب الدنيا فوق راسك بطريقة ما بتخطر ببال بشر !! أنا من جهتي حاولت أؤذيه باستجواب مرتين وبالمرتين نفذ منهم بطريقة مذهلة وقلب الدنيا فوق رأسي وطلعت (أنا) بسواد الوجه !! مرة بلاقيه بالمدرسة الساعة 7 تماماً قبل ما أوصل أنا ومرة بيوصل الساعة 9 ولا على باله ولا على خاطره أنه متأخر!! بس كل شيء كنت متوقعه منه إلا هالعملة هيدي كنت قاعد بغرفة الإدارة وشفته فايت ليوقع على دفتر الدوام وبرجليه لابس شحاطة للحمام أد رجله مرة ونص !! طلعت فيه وأنا راح أشعل من الغضب ولقيته فجأة جمد وكأنه بيتذكر شيئاً ما وبعدها بص لرجليه وابتلع ريقه وهو بيبتسم ابتسامة خجولة جداً ووجهه احمر على آخره و.... وعرفت أنه وقع بإيدي ففتحت فمي لأوبخه و... ولكنه سبقني.. سبقني وتكلم قبلي.. وكالعادة.. كان رده عجيباً !!
الفصل الخامس _ (غمزة ناجي لنا) (ويحكيه أحد الأساتذة)
لست أنسى ذلك النهار أبداً دخلت لأوقع على دفتر الدوام وخلفي دخل عدد من المعلمين والمعلمات وتفاجأنا كلنا بالمدير واقف هو وناجي والاتنين وجههم محتقن عن آخره كنا بنعرف وجود مشاكل بينهم بس ما تطورت ولا مرة للاحتكاك المباشر وقلنا كلنا ربنا يسترها و... وفجأة استدار ناجي وعلى وجهه ابتسامة عريضة وغمز لينا بعينيه وهو يهتف في مرح عجيب:
- شوفوا المدير شوفوا !! مش عاجبته الشحاطة !! على أساس أني جاية للمسرح أنا لألبس حذاء برجلي !! كلها (شقفة) مدرسة (لا جاءت ولا راحت) !!!!
وبمنتهى البرود والجمود.. طلع ناجي من غرفة الإدارة.. والمدير فاتح فمه في بلاهة عجيبة.. ومش عارف ممكن يعترض بأي كلام !!
الفصل السادس- بعنوان (الله لا يعطيه العافية)!! (ويحكيه ناجي)
بصراحة كنت بموقف محرج بشكل غير طبيعي من كتر لهفة السائق وضغطته على بوق السيارة خلاني أرتبك وما أعرف لازم أعمل أيش تماماً فنزلت من البيت بسرعة كبيرة وأنا بشحاطة الحمام !! و(الله لا يعطيه العافية) ما نبهني لأطلع غيرها تركني أوصل للمدرسة بيها لأوقف بموقف محرج طبعاً ما لقيت نفسي إلا أني سابق الكل برد ما عرفت كيف طلع معي ورحت على طول من غرفة الإدارة وقعدت في الصف -قبل صعود التلاميذ- وأنا أفكر بالورطة هيدي
لا حول ولا قوة إلا بالله العلي العظيم مشكلة كبيرة بس الحمد لله ما عندي اليوم غير صفوف الصغار وبس لو كانوا كبار كنا بمصيبة حقيقية من هيدا المنظر!! رن الجرس وطلع الصغاروبديت أعطيهم الدرس وذهني مشوش على الأخير و.... وبينما كانوا بيحلوا التمارين قعدت أنا على الطاولة محاولاً الخروج من هيدي الورطة وكالعادة حملت ورقة وقلم وبديت أسجل النقاط اللازمة لكل ما يمكن أنه يساعدني:
1- هنا يوجد محل للشحاويط !! ملاحظة (الشحاويط) جمع (شحاطة)
2- المحل دا ما بيفتح قبل الساعة 12 ونص !! (طبعاَ صاحبه بيكون نايم وبيشخر)!! 3- المحل هيدا سعره ثلاثة أضعاف سعر السوق !! بس مش مشكلة أكيد 4- المشكلة عن جد أنه ما معي فلوس إلا نص أجرة الطريق وميشان هيك ما دفعت للسائق يللي جيت معه للمدرسة قلت أدفع له بكرا عن اليومين 5- الحق على سائق التاكسي طبعاً ومرتين: أ- استعجل وخلاني أرتبك ب- ما نبهني أني لابس شحاطة !! 6- الله لا يعطيك العافية يا سائق التاكسي !!
ومع شرودي دا.. اقترب ذلك الرجل من الباب.. باب الصف.. لم يكن أبا تلميذ.. ولا أخاه.. ولا حتى أستاذ.. بل كان........... المفتش !! ****************************************************
الفصل السابع _ (بين الدفتر والشحاطة)!! (ويحكيه ناجي) (كمان ناجي يللي حيحكيه لكم) !!
ارتجف كل عرق بجسمي من هالموقف المحرج شو هالمصيبة هيدي مع المفتشين ؟؟ الأول خبطني كام ضربة نزل لي الدم من فمي قال افتكرني تلميذ وقتها !! تلميذ !! ليش لأ ؟؟ خطر ببالي أركض وأقعد جانب التلاميذ وأتظاهر أني واحد منهم ليروح وبلا فضايح بس فوجئت بالمفتش صار جوا الصف فوجئت بالمفتش صار على بعد متر مني فوجئت بالمفتش بيجمد فجأة وبيركض خارج الصف وهو بيزعق لواحد من الأساتذة:
- جيب ليا دفتر التشحيط من الأستاذ !! أتى ذلك الأستاذ إلي وقال لي: - أعطيني دفتر التشحيط للمفتش !!
وبحركة غريزية أخرجت رجلي من الشحاطة وحملتها وناولتها فردة فردة للأستاذ يللي حملهم بطريقة تلقائية وراح بيهم لحد باب الصف هناك كان المفتش واقف بيتكلم مع المدير ومد الأستاذ يديه للمفتش بالشحاطة وهو بيقول:
- دا هو دفتــ................. واتسعت عيناه عن آخرهما وبأقصى سرعة حمل الشحاطة المسكينة ورماها بكل قوته خلف باب الصف حيث سلة النفايات !!
الفصل الثامن _ (الله لا يعطيه العافية) !! (ويحكيه أشخاص متعددون)
ربنا أفرغ علينا صبراً وتوفنا مسلمين يا ستار استرنا يا ستار ياااااااااا رب !! ناجي ناوي يعمل ليا السكتة القلبية !! شفت المفتش رايح صوب صفه ودخله وبأسرع سرعة ركضت متل المجانين وناديت للمفتش الحمد لله أنه رد وطلع بس طلب من أحد الأساتذة يجيب دفتر ناجي ما كنت بدي أنه يشوف شحاطة (الهناء) يللي ناجي لابسها مش حباً بناجي لا سمح الله وإنما لأجل نفسي أنا حأتعرض للعقوبة متل ناجي تماماً أو أكتر باعتبار تركته يدخل الصف بهالمنظر المستفز دا وما عملت له استجواب !! استجواب قال !! أي استجواب هيدي يللي بقدر أوقع فيه ناجي ؟؟ هي معلمة تانية استجوبتها وكنت موقعها تماماً راحت لناجي ورجعت بإجابات خلتني (آكل) بهدلة !!
- دا هو دفتــ...... قالها ذلك الأستاذ ونظرت إليه غريزياً، و... - الله لا يعطيك العافية !! قلتها بقلبي طبعاً لأن حضرته كان حامل بإيده شحاطة ناجي وجاية يعطيها للمفتش !!! مدير المدرسة المسكين
انتبه الأستاذ باللحظة الأخيرة للموقف وراح رامي الشحاطة خلف الباب بقوة ومع الصوت انتفض المفتش هاتفاً: - شو هيدا ؟؟ شو حصل ؟؟ رد الأستاذ بارتباك شديد: - ما في شيء بس حأجيب لك دفتر ناجي و.... قاطعه المفتش في (بلاهة) واضحة: -دفتر ناجي ؟؟ مين ناجي ؟؟ طيب جيبوا ليا وبسرعة وراح المفتش والمدير لغرفة الأخير وأتى الأستاذ إلي مرة أخرى بس تفاجأت بي أصرخ بوجهه: - الله لا يعطيك العافية !! صرخ في غضب: - مين ؟ أنا أو أنت ؟ صحت في جنون: - أين رميت الشحاطة يا عبقري الزمان ؟؟ في سلة النفايات !! صرخ مرة تانية: - وحضرتك عطيتني شحاطة لأعطيها للمفتش ؟؟ ناوي تخرب بيتي؟؟ هتفت في وجهه: -اسكت..اسكت.. حضرتك ما بتعرف تحكي.. الحق عليك صاح في استهجان تام: - الحق علي أنا !! أنا ما بعرف أحكي !! رديت في صرامة غاضبة: - مش حضرتك جيت وقلت لي بدك دفتر التشحيط !! انفجر الرجل في وجهي صارخاً بأعلى صوته: - دفتر التشحيط !!!!!!!!!!! بحياتك كلها سامع بدفتر تشحيط !!!!!!!!!! قلت لك بدي دفتر التحضييييييييييير !!!!!!!!!!!!!
كان الغضب بيعمي على قلبي وقتها ومع أنه كان معه حق بس حملت الدفتر ورميته بوجهه وأنا أقول له في تهكم: -امسك..امسك.. ما بتعرف الشحاطة من الدفتر !! الله لا يعطيك العافية صحيح !! وطلع زميلي الأستاذ من الصف.. وهو بيسب وبيتكلم بلغة عجيبة.. لغة (سنسكريتيا) ناجي - صاحب الشحاطة يللي صارت في الزبالة!!
سبحانك اللهم وبحمدك أستغفرك وأتوب إليك أشهد أن لا إله إلا أنت
شو هالمصيبة العوجاء اليوم !!
ناجي إجا للمدرسة بشحاطة حمام أكبر من رجله والمفتش إجا المدرسة بعقدة فم أكبر من وجهه والمفتش بدو دفتر تحضير ناجي وناجي أعطاني شحاطة بدل الدفتر ومع جميلي الكبير عليه أني رميت الشحاطة قبل ما يشوفها المفتش راح يبهدلني والمصيبة أنه رمى الدفتر بوجهي كمان !!
رحت للإدارة وقدمت الدفتر للمفتش وأنا أقول في شيء من العصبية: - دا دفتر تشحيـ... تحضير ناجي يا حضرة المفتش قاطعني في ذهول: - ناجي ؟ مين بيكون ناجي دا ؟؟
اللهم ثبت علينا العقل والدين !!
- ناجي أستاذ هنا وأنت كنت فايت لصفه وطلبت... قاطعني بنفاد صبر وهو يلقي الدفتر في وجهي: - بتحكي لي قصة حياتك ؟ روح رجع الدفتر دا ما بيلزمني !!
شو هالقصة ؟ ناجي بيرمي دفتر التشحيـــ.....التحضير الخاص بيه في وجهي المفتش كمان بيرمي دفتر التشحيـــ..... التحضير الخاص بناجي في وجهي هو التاني !! الله لا يعطيك العافية يا ناجي رحت للصف ورميت الدفتر بوجه ناجي بس ما صبته ونزل الدفتر على الطاولة و...
- شو هالحركة هيدي ؟؟ كان صوت المفتش من ورايي !! ارتجفت و.... وتمنيت يشوف رجلي ناجي الحافيتين لعله يلتهي بيه ويتركني بس استدار المفتش وهو بيقول لي بصرامة: -الحقني بسرعة.استجواب..عمل غير تربوي بحق رفيقك !!
يا سلام !! ولما حضرتك يا مفتش ترمي الدفتر بوجهي أنا صار هيدا عمل تربوي ؟؟؟ الله لا يعطيك العافية يا.......... يا ناجي !! أنت أصل البلاء دا كله
كانت أكبر مشكلة أمر فيها في حياتي بسبب شرودي وتفكيري بالشحاطة سمعت رفيقي بيقول لي دفتر تشحيط بدل تحضير ناولته الشحاطة وأنا شارد واستلمها وهو شارد وكانت حتصير مصيبة أو في الحقيقة صارت شحاطتي نزلت بسلة الزبالة ومش قادر أشتري شحاطة تانية للأسباب السالف ذكرها الأستاذ أكل استجواب دسم وطلع يسبني يمين وشمال البواب حبيب قلبي أتى ليساعدني وأخذ الشحاطة يغسلها بس ما كان في ماء بالمدرسة كلها وهكذا أجبرت على لبسها في رجلي !!! الله لا يعطيك العافية يا سائق الباص ويا زميلي الأستاذ رجعت للبيت وعملت حمام طويل جداً لرجلي المسكينتين ولكن قصتي مع الشحاطة لم تنتهي بعد ما تزال هناك حادثة أخرى حصلت على طريق بيروت في ذلك اليوم كان علي أن أذهب لتسميع بعض السور في كلية الشريعة و.... ولهذا قصة أخرى
هوايتك اه ياجميل
مشاركاتي
انت من اين ياباشا 
في الفرقة الكام 
مكانك فين في الجامعة
ايه النظام:
موضوع: أسطورة الشحاطة الزرقاء 
الإثنين ديسمبر 21, 2009 10:55 pm
