سمر محمد شهاب
فريق الاشراف
 هوايتك اه ياجميل : البحث فى المعلومات العامه
 مشاركاتي : 966
العمر : 33
 انت من اين ياباشا : من الدنيا الواسعه
 في الفرقة الكام : الرابعه
 مكانك فين في الجامعة : تخيل فين؟؟؟؟؟؟؟؟؟؟؟
 ايه النظام: : تمام
sms : لا تجعل احد ا يعرف سر دموعك لانه ان عرف سر دمعتك فانه سيعرف كيف يبكيك
mms : 
 1538
 |  موضوع: قصيده الدستور  الإثنين أغسطس 15, 2011 11:47 pm | |
|
دستور يا اخوانا يا بعدا
لأ سوري دستور م البعدا
محبوس حابس يا سيادنا
و بكاكي من فوق مدنة
و ورايا ديوك بيكاكو
حرصوا عالباقي معاكو
بركة مولانا هولاكو
حلت و علينا اللعنة
طرطور طرطر طراطير
بيغيروا فالدساتير
و لا عاد في الحتة كبير
و يا وارث تورث مين
ما الورث إتباع و إتبعنا
نرجع تاني لموضوعنا
و بيان لديار الإفتا
من جمهورية زفتا
لِعبو و عملوها إستفتا
صوت ياللي سامعنا
و قوللي ملك ولا كتابة
أسد شبل ف الغابة
و أحلف وحياة راس بابا
زفة فمولد كدابة
و الله يجازي اللي خدعنا
للجوكر ألف تحية
ملعون خاش الحرية
يحيا قانون العبودية
و القوانين الوضعية
و الحكومات الشمولية
لها مني ألف تحية
وحِياة أمي دي رجعية
و لو صوتنا و جَعجَعنا
واحد ولافيش غيره هوه
قاعد متربع جوة
و بكيفك أو بالقوة
لو سوبر مان و فتوة
روح قٌله بقى يودعنا
عصابات شغل فتوات
و استعباط على حركات
و السقا أبوه لو مات
حيقوم يسقي الشربات
و يكمل على مواجعنا
مزيكة و تَرَابَاتَّتو
و نفديك بالدم.. إفدوه
بس إحنا و رحمة أبوه
مين ده اللي حَيلوي دراعنا
روح هاتلي لمون بالصودا
انا حاسة بريحة شوطة
حيصعدوا فصل الروضة
و الورث حيصبح موضة
لم الجدعان و اتبعنا
على قهوة ساقية مكي
نصرخ نلطم و حنبكي
ده ناويها و بيتكتكلي
قبل ما حتى يودعنا
زقطَطُوا يا عيال قولوا هييه
الحكم صبح تيك أواي
لو عايز قول أوكيه
و لو رافض قول أوكيه
في كلا الحالتين نوو واي
غير كودية و زار ينفعنا
لأنا عايزة بخور م الجاوي
و حمار أرمل و حصاوي
و دراع برغوت مش غاوي
تنطيط عفريت و مخاوي
شلة مقاطيع يقطعنا
حابس من شر الكرسي
من شر عزيزة و مرسي
من قرص النمل الفارسي
م الأحياء و الأموات
من كايرو إلى بغداد
أشتات أشتوت أشتات
حرصوا من لعب السيكا
م الحكشة و م البولوتيكا
و لا تشمت يومًا فيكا
مارشيل بنت أم ماريكا
قول حاجة الله يهديكا
و ادعي معايا يخليكا
حِلُّوا بقى عن أوجاعنا
و انصرفوا عليكوا اللعنة
انصرفوا عليكوا اللعنة | |
|
Mahmoud Ahmed Youssef
موسس المنتدي
هوايتك اه ياجميل : الرســــــــــم والشـــطرنج
مشاركاتي : 10380
العمر : 33
انت من اين ياباشا : ma .h .all.a
في الفرقة الكام : الــ... 4
مكانك فين في الجامعة : بالمحـــــــــاضرات
ايه النظام: : مطرقع
sms : اذا ما طمحت الى غاية ... ركبت المنى ونسيت الحجر
ومن لايحب صعود الجبال ... يعش ابد الدهر بين الحفر
mms : 
16141
| | موضوع: رد: قصيده الدستور الثلاثاء أغسطس 16, 2011 2:01 am | |
| جميلة يا سمورة تسلم ايديك يا جميل .
| |
|
