المحاضرة الاولى ادارة انتاج تجارة المنصورة

السلام عليكم ورحمة الله وبركاتة

اهلا بيكم ،،،معانا انهردة الفصل الاول "فلسفة ادارة الانتاج والعمليات"

تعالوا نشوف المحاضرة بتاعة انهردة فى ادارة الانتاج اللى كانت غريبة شوية لانها متاخرة

وبصراحة كنا روحنا اكلنا وكنا هنام من الدكتور رغم انة دكتور تمام ومحترم جدا جدا

انتظروا كدة حبة حاجات على الهامش بس فى الاخر

ندخل فى المحاضرة البسيطة اللى معانا ناو

الفصل الاول "فلسفة ادارة الانتاج والعمليات"
العناصراللى هايشملها الفصل:
1-نشاة وتطور ادارة الانتاج والعمليات
2-مفهوم ادارة الانتاج والعمليات
3-اهداف ادارة الانتاج والعمليات
4-وظائف ادارة الانتاج والعمليات
5-تطبيقــــــــــات

المحاضرة انهردة اتكلمنا عن النقطة الاولى ودى متقسمة ل7 اجزاء

اخدنا من السبع اجزاء خمسة انهردة

عشان يكون كلامى واضح اكتر تعالوا نشوف عملى كلامنا

نشاة وتطور ادارة الانتاج والعمليات:
1-مرحلة الانتاج المنزلى ونشوء المنتهلك
شرح لها بسيط كدة من خلال فهمى للمحاضرة ،،،فى الحالة دى الاسرة هى بتعمل كل حاجة تنتج وتستهلك تبنى وتعيش تطبخ وتاكل كل حاجة
كلمة المنتهلك غريبة لكن لو ركزنا فيها هتلاقيها عبارة عن منتج ومستهلك ومعناها المنتج المستهلك ودة مفهوم انجليزى والكلمة باالنجليزى prosumer
سؤال مهم لازم نعرف ان نشوء المنتهلك كان فى اول مرحلة مش فى المراحل الجاية

2-مرحلة الانتاج الحرفى:
اول حاجة لازم نلاحظ ان احنا قولنا حرفى مش مهنى يعنى بنا نجار حداد مش دكتور موظف والحاجات دى
ودى بداية التفريق بين المنتج والمستهلك

3-مرحلة انتاج الوسطاء
ببساطة تسويق المنتج
والشرح بتاع الدكتور فى النقطة دى كان عبارة عن يعنى مثلا الاثاث بيبقى مكانة فى دمياط واللى بيستخدموا فى اسوان يبقى بيحتاجوا وسيط عشان ينقل الحاجة دى ويبيعها وكمان بيكسب فيها برضا الطرفين
ودة معنى انتاج الوسطاء

4-الثورة الصناعية وظهور نظام المصنع
بداية احلال الالة مكان الانسان وظهر مفهوم وكلمة مصنع واصبح متعارف عليها كمكان عمل
فى نقطة مهمة اوى ان المرحلة دى كانت فيها اهمية فى نقطتين
ا)توضيح الانتاج السلعى
ب)تحديد المشاكل الخاصة بالصناعة

5-الحرب العالمية الثانية واستخدام بحوث العمليات
ببساطة الدكتور لما شرح النقطة دى قال ببساطة ان امريكا لما لقت ان هيتلر هايبتدى يستهدفها فى الحرب العالمية التانية بدات على طول تفكر فى حاجة ترد قوة هيتلر وكانت هى الصوريخ
والنقطة التانية هى عامل الوقت
يعنى مثلا انا لو هانتج 10 صواريخ بمبلغ كذا فى 20 يوم بمجهود 10 افراد
طب انا محتاجة الصواريخ دى فى خمس ايام فرق العمالة وفرق الماديات كام
ولو عاوزاها فى تلاتة لان انا مش ضامن عم هيتلر دى هايجى يحاربنا امت هاتكلف اية وهاحتاج كام عامل

بكدة الشرح فى المحاضرة خلص

لكن فى نقطتين فى اول جزاية فى الفصل هايتشرحوا المرة الجاية

6-مرحلة التركيز على الادارة الصناعية وادارة الانتاج
7-ثورة الخدمات والانطلاق نحو ادارة العمليات


تعالوا نشوف بقى حبة كلام على هامش المحاضرة

المادة دى من غير مااعقدكم هى اصعب مادة معانا الترم دة ومشكلتها فى التطبيقات على كل فصل

الدكتور وعدنا ان التطبيقات فى الامتحان كلها هاتبقى فى المحاضرات

ولو عمل خمس تطبيقات مثلا هايحدد لنا اية فيهم اقرب للامتحان