محمد العوضى
محاسب محدش زية
 هوايتك اه ياجميل : الكونغ فو
 مشاركاتي : 984
العمر : 31
 انت من اين ياباشا : المنصوره
 في الفرقة الكام : التالته
 مكانك فين في الجامعة : فى كل مكان
 ايه النظام: : يهمك فى ايه
sms : الاهلى فوق الجميع
mms : 
 1505
 |  موضوع: يوميات شاب فى كلية تجارة اول يوم جامعة  الجمعة ديسمبر 17, 2010 8:09 pm | |
| اول
يوم في الجامعة..صاحي من قبل الفجر و اخذت الحتة اللي عالحبل و قاعد اكوي و
اظبط اللبس و اجلجل شعري بقي و ايه .. بقيت حاجة انتيكه يعني ..
المهم نزلت لقيت نفسي ناسي كشكول المحاضرات (مش علشان اكتب فيه ولا حاجة..لا انا باخده علشان اقعد عليه علشان البنطلون ميتوسخش) .. طلعت السلالم و قعدت ارن الجرس..ارن..ارن..محدش فتح...بابا...و اخبط الباب...ماما..و ارزع فيه....مافيش برده....
لقيت الحاجة ثنيه جارتنا طالعة من الباب بتقوللي "انت عايز حد هنا يابني؟؟"
"صباح الخير يا حاجة ثنية عاملة ايه...ازي الصحة..."
قالتلي "مافيش حد في البيت ده يابني...الناس اللي كانوا هنا عزلوا من 13 سنة.."
"نعم ؟..عزلوا...عزلوا ايه بس يا حاجة...ده انا اصلا اللي ساكن هنا...!!..خشي نامي بس انت و استريحي "
بصيت
في الساعة..."يا نهار ابيض...ده انا كده حتأخر
عالمحاضرات..باباااا...ماماااااا.."...لقيت بابا طالعلي بالجلابية و الشبشب
و نازل في ضرب "هو يابن الايه ماينفعش تسيبنا مخمودين ساعتين علي بعض ..
لازم تقرف اهلينا ياض "
"معلشى يا بابا اصلي نسيت كشكول المحاضرات و
المفاتيح و اكيد مش حاروح المحاضرات اقعد اتكلم و ماكتبش يعني ؟ (يا
كذااااااب)...المهم دخلت جبت الكشكول و المفاتيح و الحاج دخل "اتخمد" من
تاني...
و نزلت جري بقي و فرحان...رايح اول يوم الجامعة بقي...و انا
نازل عالسلم وقعت و اتشئلط و اتكسرت رجلي ..الجيران شالوني و ودوني
المستشفي (و طبعا الحاج و الحاجة كل ده نايميين) و جبست رجلي ..
"بقي
يا عالم حد يروح الجامعة اول يوم رجله مكسوره .. ما علينا...قلت بقي علشان
الواحد مايتبهدلش يركب تاكسي...مكانش معايا فلوس كتير...قلت يبقي اركب
تاكسي قديم كده علشان السعر يكون خفيف...لقيت تاكسي "لادا" و السواق عنده
من 80 او 90 و انت طالع..!! وحاسس انه هيموت قبل م يطلع اصلا
قلتله
جامعة ياسطي...قاللي ايه؟...قلتله جامعة؟...قاللي مين ؟...جامعة؟؟...بتقول
ايه يابني مش سامعك...جاااااااامعة... "ااااه معلش يابني سامحني اصل سمعي
علي قدي...
قلت ياااااادى اليوم اللى مش فايت يا جدعان
المهم
ركبت و فضلت قاعد...ايه ياسطي انت ما بتمشيش ليه ؟...قاللي "مانا ماشي اهه
يابني"...ببص بره لاقيتنا فعلا ماشيين...بس ايه السرعة ديه ... ده الراجل
ماشي علي 6 كم / الساعة غالبا !!!
"ياسطي سرع شوية خلينا نوصل .. قالي " ما انا سريع اهه .. انت عايزني اتهور ولا ايه "
المهم
سكت .. عارف المثل اللي بيقول "رضينا بالهم و الهم مارضيش بينا" هو ده
اللي حصللي . فجأة سمعت " تودودودو بوم تاخ دوم تش تيننن " و العربية وقفت
"معلش يابني العربية لازم تريح شوية" .. "تريح شوية ! ..يا عم انا نازل .. "
رحت
نازل...يا دوب نزلت من التاكسي و لقيت عربية بسرعة رهيبة و كان في بركة
مياه "بيييب بيييييب...فوووو...تششش" يابن ال*** !! المياه ديه كلها طرطشت
عليا و هدومي كلها اتبلت و انا رايح الجامعة .. طب انا دماغي جزمة و حاروح
كده .. هه ...
المهم فضلت واقف علي بال ما "انشف" شوية .. لقيت ميكروباص بينده "ووويش جامعة وووويش ع" ... جامعة ياسطي ؟ ..ااه تعالي يا برنس ...
دخلت
و ركبت في الكنبة اللي ورا و كالعادة نفس الخناقة بتاعة كل يوم "رايح فين
يا كابتن .. ياسطي الكنية اللي ورا بتشييل تلاتة بس و انت عايز تركب واحد
رابع ازاي يعني يعني اخده علي حجري ده ولا اية و بعدين في حريم هنا و
ماينفعش نلزق فيهم كده و الدنيا حر و الشباك معصلج و ..." "يا باشموهاندز
معلش بقي نساع بعضينا كده علشان كله عايز يوصل و السكة زحمة يعني لامؤ اخذة
..
( وصوته عامل زى اللى بالع ضفدعه اه وربنا .... ايه دكر بط بيتكلم )
"
المهم ركبت و الناس سكتت ..و انا قاعد في امان الله لقيت الراجل اللي كان
محموق اوي اني حاركب رابع ورا ده نام علي كتفي و الناحية التانية ست قاعدة
تاكل لب و تتف علي بنطلوني "ايه يا جدعان .. بقي ينفع كده "
"بووووووووووم
" اايه ده...يووه خبطنا في العربية اللي قدامنا .. و السواق نزل خناق مع
الراجل "ايه يا عم انت ما بتشوفش ولا ايييييه .. لا يابا ده انت الي وقفت
فجاه .. يا عم انت عبيط اقف فجأه ليه طيب .. طب تعال بقي ....!! و بدأوا في
الخناق ...و عينك ما تشووف الا النور ...
نزلت من الميكروباص و
حلفت ل اروحها مشي ... و فجاه خير اللهم جعله خير لقيت بامبراية (مفرد
بامبرز) بتترمي من عربية و تلبس في وشي .. اموت و افهم بيرموا الحاجات ديه
في الشارع ليه .. المهم ما علينا .. خلاص .. اهيه .. وصلت .. هي ديه
الجامعة ..ايوه .. ياهوووو .. اخيرا بقي .. ياااااااه "
( ايه يا جدعاااان المزز دى هما جم هنا ازاى .... امال بره مفيييش ليه )
اهاا.... شوف الواد حاطط ايده ازاى ف ايد البنت ازاااااى ....
مش عارف هيا ماشية معاك على ايه ... امشى كده وانت قصير ازعه .
بسسسسسسسسسسسسسسسسسس نيووو نيوووو....... انت يا جميل انت يا قمر ... انتى بتشربى ايه ... طبعا هتقول انت مالك ....
ايه ده ايه ده ... انتى بتكلمينى طب روحى كده وانتى شبه الحاجة ثنية ...
المهم
لقيتها بتشرب لبن جهينه .... قلتلها اموووت واعرف هيا البقرة بتجيب لبن
اكتر ولا الجاموسة ....قالت اشمعنا ... قلتلها اكيد انتى جاااااموسة عشان
تجيبى اللبن ده كله .... المهم لقيت العلبة ف ووووشى على طوووول ...
( هيا الجامعة مالها كده ... هما شالوا البنى ادمين وربوا جمااايس ولا ايه )
المهم وانا ماشى وصلت كده لمدرج كبيييير لقيت مكتوب عليه المهدى
قلت هاااا بقى هوا ده المهدى اللى بيحكوا عنه .... ده انت طلعت مدرج ابن ناس صحيح
دخلت
المدرج .. ايه ده .. دول سنه رابعة و انا لسه اولي .. رحت افهم من شؤون
الطلبة .."لو سمحتي انا محاضراتي انهارده اول يوم بس دخلت لقيت اللي جوه
سنة رابعة مش اولي " ... "ااه.. ما هو الجدول اتغير" .. "اتغير ؟ ازاي ؟ ده
الجدول لسة نازل اول امبارح" .. "ااه ما هو اتغير امبارح "
يالهوووووووووووووووووووووووووووى
...."....." ..."
رحت ضارب الراجل بالكشكول في وشة و نمت اليوم ده في القسم ! | |
|
Mahmoud Ahmed Youssef
موسس المنتدي
هوايتك اه ياجميل : الرســــــــــم والشـــطرنج
مشاركاتي : 10380
العمر : 33
انت من اين ياباشا : ma .h .all.a
في الفرقة الكام : الــ... 4
مكانك فين في الجامعة : بالمحـــــــــاضرات
ايه النظام: : مطرقع
sms : اذا ما طمحت الى غاية ... ركبت المنى ونسيت الحجر
ومن لايحب صعود الجبال ... يعش ابد الدهر بين الحفر
mms : 
16141
| | موضوع: رد: يوميات شاب فى كلية تجارة اول يوم جامعة الجمعة ديسمبر 17, 2010 9:31 pm | |
| ههههههههههههههههههههههه
اه اليوم النحس دا
| |
|
الباشا/طارق
محاسب يفوق الخيال
هوايتك اه ياجميل : الكرة والكمبيوتر بس لما النت يكون شغال
مشاركاتي : 1737
العمر : 32
انت من اين ياباشا : المنصورة ...الصلاحات
في الفرقة الكام : الثالثة
مكانك فين في الجامعة : فى اى مكان جميل
ايه النظام: : وانت مالك خليك فى حالك
sms : كن كالنجم الذى يقضى حياتة كلها يمد الناس بالنور دون ان ينتظر من احد ان يقول له شكرا
mms :
1930
| | موضوع: رد: يوميات شاب فى كلية تجارة اول يوم جامعة الثلاثاء فبراير 08, 2011 9:28 am | |
| | |
|
بنوته
محاسب بيحاول يوصل
هوايتك اه ياجميل : الكومبيوتر
مشاركاتي : 61
العمر : 31
انت من اين ياباشا : المنصوره
في الفرقة الكام : التانيه
مكانك فين في الجامعة : تجاره وهندسه
ايه النظام: : كوووووووول
mms :
63
| | موضوع: رد: يوميات شاب فى كلية تجارة اول يوم جامعة الأربعاء فبراير 09, 2011 11:11 am | |
| هههههههههههههه
لاء موضوع جــــــامد
بس دا ايه النحس دا ؟ | |
|
king of my time
محاسب محدش زية
هوايتك اه ياجميل : كرة القدم والبلياردو
مشاركاتي : 1001
العمر : 32
انت من اين ياباشا : المنصورة
في الفرقة الكام : الثالثة بقى
مكانك فين في الجامعة : اى مكان جميل
ايه النظام: : عايش والسلام
sms : الحب كالشمس التى لا تشرق فى اليوم الواحد مرتين وعمرك لبس اكثر من نهار واحد وليل طويل ممتد ولذلك حين يأتيك الحب افتح له على الفور كل نوافذك وبترحاب شديد استقبل اشعته الدافئه واتركها تغمر كل كيانك لانها عندما تتلاشى لن تجد سوى الكثير من الظلمه والبرد
mms : 
1408
| | موضوع: رد: يوميات شاب فى كلية تجارة اول يوم جامعة السبت فبراير 26, 2011 11:54 am | |
| والله دا كتير وحرام الله يكون ف عونك
بس بامانة تسلم اديك موضوع جميل جدا
عاشت الايادى
| |
|
eagle
محاسب مبدع
هوايتك اه ياجميل : كورة
مشاركاتي : 704
العمر : 31
انت من اين ياباشا : المنصورة
في الفرقة الكام : التانيه
مكانك فين في الجامعة : تجارة
ايه النظام: : زي الفل
sms : التقدم والإذدهار من سماتي الشخصية
mms :
1468
| | موضوع: رد: يوميات شاب فى كلية تجارة اول يوم جامعة الخميس مارس 03, 2011 6:05 pm | |
| | |
|
