قصيده ازيك يا ريس

قصيدة ازيك يا ريس

بعد التحية وبعد السلام
إزيك ياريس وإزي المدام
وقبل ما أنسي أنا بشكرك
علشان يعني بتسأل علينا
وربنا ياريس يقدرك
ويخليك كمان لينا
شكرا ياريس
شكرا ياريس علي كل حال
الشعب كويس وفل وعال العال
الشعب واكل
معندوش مشاكل
والشباب شغال
واللي يقولك فيه بطالة
والمواصلات مش شغالة
والحكومة بقي حالها زبالة
ولازم تتشال
ابعتله بسرعة ولاد الحلال
من أفاه هيشحنوه
وهيكرموه ويشغلوه
في أبو زعبل يكسر جبال
أهو أحسن من قاعدة القهاوي
ويقعد يقول كوسة ورشاوي
ويقول عليك كلام بطال
وفي الختام
مني السلام
لبطلنا الهمام
بطل الوعود وكتر الكلام
وآدي القصيدة أنا ما بخفش وهفضل أقول
كلمة الحق عليها مسئول
إن الريس راجل طيب
وبشعبه دايما مشغول
مشغول انه يلم فلوسنا
في سويسرا يحوشهالنا
وفي بنوك سرية يشيلهالنا
نفسه يأمن مستقبلنا
شوفتو إزاي بقي قلبه رحيم
عنده إيمان وضميره سليم
بيجوعكو لجل تخسو
أه يا شعب محتاج لرجيم
من جهلكو بتقولو بطالة
وإن الأحوال مش شغالة
الراجل نفسه يريحكم
هي الراحة تبقي عوالة
أما حكاية المنتجعات
ليه بتسموها معتقلات
ليه الظن وسوء النية
نفسه يفسحكو يابهوات
والله انتو ظالمين الراجل
ضيع عمره ومين يستاهل
حتي الأكل بياكله بدالنا
طالع واكل نازل واكل
بقي بعد ده كله ماله الريس
طبعا انتو عارفين من غير ما أقول
أصل اللي جوانا أكبر من الكلام
وخلص الكلام وما عدش ليه لازمة
تعبنا من اللي بيحصل حوالينا
والباقي انتو عارفينه

ههههههههههه جميله

فوق الفظيع يا أبو صلاح

شكرا على مرورك يا ابو حميد

هههههههههههههههه

شكلك يا اسلام هتروح ابو زعبل

وانا ف الحالة دي معرفكشي يا معلم

ومشهنساك علشان مش تقول علي مش بتاع واجب هبقا اجبلك عيش والحلاوة

ههههههههههههه

حلوة يا اسلام

اه هزورك بعيش وحلاوه قريب جدا جدا ههههههههههههههههههههههههه

» قصيده الدستور
» هندي يقول قصيده ---ههههههههههههههههههههههههه
» سبحان من زرع الهوى بقلوبنا\\ قصيده اهديها لأعضاء المنتدى!!
» قصيده مني لرحيل الملك محمد حسني مبارك عن الحكم