أستفسار .. لو سمحتم .. ؟؟

ازيكم يا شباب .. بما اني لسه جديد في المنتدي ياريت أكون ضيف خفيف عليكم ..

بالنسبه للجامعه .. هو انا ماحضرتش أي محاضره لحد دلوقتي .. لان انا لسه عايش في جو الاجازه ومش واخد بالي ان الدراسه بدأت داخلين في شهر اهه ... وكنت عايز اعرف المواد السنه دي .. سهله ولا زي السنه اللي فاتت .. و بخصوص الكورسات .. انا هاروح لمستر عزمي وإن شاء الله أحصاء عند عبده ابو الفتوح .. وأحتمال اقتصاد عند شريف .. فانا مش عارف المواد صعبه ولا سهله ولا ايه .. وكمان في ناس بتقول المواد صعبه .. وفي ناس بتقول المحاضرات مهمه .. وبصراحه انا أسهلي الكورسات .. لاني بكسل انزل الجامعه وكمان في المواعيد اللي هما حاطينها دي .. (( لانتساب )).. وبالنسبه للكتب كمان ..

هما اللي انا جبتهم .. من الجامعه ..

المحاسبه عن التكاليف

المراجعة بين الفكر والتطبيق

المحاسبه في الوحدات الحكومية

ومن المكتبه العصرية .. كتاب الاقتصاد

مدخل الماليه العامه

بس انا مش عارف هو ده بتاع الفرقه التالته ولا لا .. لانه مش مكتوب عليه حاجه غير اسم الدكتور بس .. سعيد محمد المهيلمي .. بس حاسس ان هو لان اسم الدكتور في المحاضرات ..

عايز اعرف يبقي ناقص كتب ايه كمان .. واسمهم ايه علشان لما اروح الجامعه اقول للراجل اللي هناك عليهم ..

وعلي فكره للي عايز يروح لمستر محمود عزمي .. يوم الاربع 13-10-2010 .. الساعه 5

اول حصه مجموعه جديده .. لاني كنت شفت ناس مش عارفه المواعيد .. وبالنسبه للاحصاء إن شاء الله هاروح يوم الاربع أشوف مجموعه جديده وهاقولكم عليها إن شاء الله

بالتوفيق للجميع

اهلا بيك معانا فى المنتدى يا باشا هوه انته لسه ليك كده اداره المشتريات والمخازن بالنسبه بقى للمنهج والصعوبه والسهوله كل اللى عدوا من السنه دى قالو سهله بس بالنسبه للاحصا الوضع مختلف تماما وصراحه الدفعه هتضيع فى الماده دى (يعنى الاحصا دى بقت علامه سودا فى حياتنا اذا كانت فى تانيه ولا تالته ) وربنا يسهل ويوفقنا

ربنا يطمنك .. وعلي فكره الاحصاء ماده سهله .. بس الدكاتره .. حسبي الله ونعم الوكيل .. هما اللي بيصعبوها .. وربنا يستر السنه دي كمان .. السنه اللي فاتت نجحونا .. والحمد لله يعني تمام

.. باقولك ايه انا معايا محاسبه الترم الاول .. مش عارف شلتها ازاي بصراحه .. بس انا عايز اعرف الامتحان بييجي من منهج السنه دي ولا السنه اللي فاتت .. لان السنه دي لازم الواحد يعدي فيها نضيف .. لازم علشان السنه اللي جايه هاتبقي إن شاء الله اخر سنه فتكون سهله إن شاء الله

وربنا يستر

انا كمان معايا محاسبه ترم اول وبنمتحن على السنه بتاعتنا احنا مش الجديده وربنا يستر

اه يا جماعه طالما شايلنها لاول مره يبقى تمتحنوا فى المنهج القديم

أهلا وسهلا بحضرتك مبدئيا وتاني شئ حضرتك نصيحتي ليك لما تفكر تسمع اسمع لحد كويس حد متفوق بيجيب تقدير انما سوري انا مش بحقر من المقبول بس النظره بتاعة اللي جايب تقدير استحاله تكون زي اللي مبيحضرشي ومبيقدرشي نصيحتي لحضرتك احضر محاضرات لأنها في غاية الأهميه .........

لاء يا شهر زاد مع احترامى لكلامك هيا المحاضرات مهمه بس مش اوى يعنى لان معظم الدكاتره مش بيوصلوا معلومه وبيقراوا من الكتاب يعنى لو نذاكر ساعه احسن من حضور الكام محاضره اللى بيضيعوا فى الوقت دول صح ولا ايه؟

أولا .. شكر ليكم كلكم علي الافاده .. وبالنسبه لكلام شهرزاد .. بصراحه انا السنه اللي فاتت حضرت محاضرتين بالعدد .. ومش عايز اقولك علي الملل اللي كان موجود .. ده غير الناس اللي نامت اصلا في المحاضره .. بس مش كررتها تاني .. ورحت كورسات .. علي الاقل ساعه مفيده احسن من اتنين بملل .. وسبحان الله كانت اقتصاد يعني كلام .. وانتو فاكرين الدكتور كان ازاي .. ربنا يسامحه بقي .. وده مش معناه ان انا مش هاروح تاني .. لا بالعكس كلامك صح لازم اروح احضر لانها احيانا بتبقي مفيده جدااااا

وبالنسبه لمجدي .. علي فكره انا مجدي برضه Very Happy

.. لو مش معايا ورق السنه اللي فاتت اجيبه منين .. هو انا عندي الكتب .. بس بصراحه مش فاكر اسم الماده ايه بالظبط .. هو كل اللي فاكره انها بتتكلم عن شركات التضامن .. صح ؟؟

هلا ياباشا

انا معاك عند مستر عبدة الفتوح بس في مجموعه تانية

سبت واثنين الساعه 2 في مركز c . u . c

واقتصاد ...................... موسي في مركز نوبل

ومحاسبة حكومية ..... عزمي عند

ومحاسبة تكاليف .... مستر كامل ف شارع الترعه

ونصحية يا مان اللي يقدر حدد ليك السنه دي صعبة ولا سهلة

طلاب سنه رابعه

اما احنا ممكن نقولك علي اللي خدنا بس

بس الي الان سهل جدا

وربنا يستر ع الباقي

ويكون سهل

ونصحية متحضرشي غير المحاضرات المهمه زي المشتريات لدكتور

عبدالمحسن جودة انتظام او انتساب

والباقي كنسل وعيش حياتك

شكرا يا يوسف .. بس انا عايز اعرف ازاي المجموعه سبت واتنين .. هو مش المفروض سبت وتلات ؟؟

و علي فكره انا لسه مش حضرت اي مجموعه .. انا لسه هاروح احجز .. وبالنسبه للمجموعه بتاعتك اخدت فيها كام حصه لحد دلوقتي ..

لا يا سيدي

علي حظنا بقا يا معلم

غير المعياد بقا

احد واربعاء الساعه 2

عايز ابقا اشوفك هناك يا مان

دا في شوية اوززززز .... مقولكشي Wink

» سؤال لو سمحتم
» استفسار لو سمحتم
» لو سمحتم مساعدة فى الافراد
» ارجو الرد اذا سمحتم
» لو سمحتم يا جمااااااااااعه حد ينزل مذكرة المراجعة لياسر عبدالواحد