علشان انت مصرى..جتك القرف...؟

[size=24]عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف [/size]

ههههههههههههههههههههههههههههههههههههههههههههه


لو لم أن مصريا لوددت أن أكون 00000000000000

ههههههههههههههههههههههههههه


جامده جامده جامده


ههههههههههههههههههههههههههههههههههههه



مش عارف اعلق على انهى فقره

كل الفقرات فى الجوووووووووون


ههههههههههههههههههههههههههههههههههه




طرح أكثر من رائع

شكرا يا زهره

ههههههههههه
شكرا على مرورك يا شاولن
بس والله بحب مصر اوى بس انا ساخطه على الحكومه مش اكتر
ههههههههههه
نورتنى

أنا هقول كلمه واحده بس دى كبيره أوى

وأنا متأكد انه مش قليل اللى هيفهمها

لاء محدش هيفهمها نهائى

واللى يفهمها يقولى فهم ايه؟؟؟؟؟؟؟؟؟؟؟



(فاستخف قومه فأطاعوه)

ليه كده يا شاولن ؟؟؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

الايه دى فى سوره الزخرف وبتتكلم عن فرعون ومن تفسير الايه واضح اوى المضومن بتاعها الا اذا نت كنت تقصد بيها حاجه فى نفسك
بسم الله الرحمن الرحيم
(( نادى فرعون فى قومه قال يا قوم اليس لى ملك مصر وهذه الانهار تجرى من تحتى افلا تبصرون ام انا خير ام هذا الذى هو مهين ولا يكاد يبين فلولا القى عليه اسوره من ذهب او جاء معه الملائكه مقترنين فاستخف قومه فاطاعوه انهم كانوا قوما فاسقين .))
صدق الله العظيم

وفة توضيح اخر فى سوره غافر
بسم الله الرحمن الرحيم
(( قال فرعون ما اريكم الا ما ارى وما اهديكم الا سبيل الرشاد ))
صدق اله العظيم

واظنها باينه جدا يا شاولن
تقبل مرورى
وياريت لو ليك قصد اخر توضحه لينا يعنى

شكرا على مرورك ورايك يا يوسف
نورتونى كلكم

ما شاء الله

تمام يا زهره

تفكير ممتاز ورأى جيد

بدأتى تحطى ايدك على اللى أقصده بجد

وبالذات

بسم الله الرحمن الرحيم
(( قال فرعون ما اريكم الا ما ارى وما اهديكم الا سبيل الرشاد ))
صدق اله العظيم


لمحه ممتازه


مش هتكلم أكتر من كدا لأن

الشجاعه هى اتقان الخوف وليس غياب الخوف

طب كويس اننا بدانا نوصل
ههههههههههه
تقبل مرورى
شكرا للكل